Dia 25 di desèmber, Duana di Hulanda Karibense a detené un hòmber i un muhé sospechá di tráfiko di supstansia narkótiko, probablemente kokaina. Un hòmber di 35 aña i un muhé di 30 aña ku intenshon pa biaha huntu ku nan yu muhé di 3 aña pa Hulanda via Boneiru. Durante e kontrol di Duana, nan a haña un kantidat di supstansia narkótiko. Pa motibu di esaki, a detené e tata i mama.
E yu muhé a keda serka famia den konsulta ku Voogdijraad.
A entregá e sospechosonan na Koninklijke Marechaussee, ku ta ehekutá investigashon penal na Boneiru riba enkargo di Ministerio Públiko. Tur dia, Koninklijke Marechaussee i Duana di Hulanda Karibense ta hasi kontrol na aeropuerto i na frontera marítimo di Boneiru, enfoká riba diferente forma di kriminalidat manera tráfiko di supstansia narkótiko.
