Den koperashon ku Tourism Corporation Bonaire
Siman pasá e emisora di radio di Kòrsou Paradise FM a transmití live for di Boneiru durante e siman di Regatta.
Tourism Corporation Bonaire (TCB) a invitá Paradise FM pa bin Boneiru i presentá algun di nos aktividatnan i eventonan na nos isla via nan emisora pa asina sirbi komo inspirashon pa futuro biaheronan di den nos region. TCB a kompartí tur loke ta nobo na nos isla, entre otro butikhotèlnan, restorantnan, aktividatnan i mas.
Paradise FM riba 103.1 FM ta establesé na Kòrsou i tur dia nan tin un variedat grandi di shou ku diariamente akshonnan di duna regalo. E premio di nan akshon di gana di siman pasá tabata un biahe pa Boneiru inkluso un estadia na Delfins Beach Resort.
Paradise FM tin un presensia aktivo riba medionan sosial manera Instagram i Facebook, kaminda por haña e aventuranan boneriano di e DJ-nan Maarten Schakel, Vanessa Werkhoven i Joris Reer, for di duna buriku kuminda te kore wentsùrf i hopi otro aktividat mas.
TCB kordialmente ke gradisí tur hende i empresa ku a kolaborá ku e tim di Paradise FM i ku a sòru pa nan bishita tabata un éksito grandi.
Un danki spesial ta bai pa e spònsernan ku a ofresé nan servisionan i nan tempu na e tim di Paradise FM. Nan ta Delfins Beach Resort, Sorobon Beach Resort, Ocean Oasis i Enterprise Rent-a-car Bonaire.
