Instalacion di palonan pa e sistema di alerta tempran di multi- risico di Aruba (MHEWS) ta den proceso. E polonan aki ta un parti importante di e tecnologia avansa cu lo yuda e isla prepara pa desasternan natural, manera inundacionnan, temblor, horcan y tsunami.
E posicionamento strategico di e palonan di MHEWS aki na Aruba ta representa un paso importante den nos compromiso cu siguridad publico. E infrastructura aki lo forma e base di un sistema diseña pa salba bida, reduci daño na propiedad y mehora e capacidad di reaccion riba desaster.
