Minister di Finansa di Curacao ta reuni regularmente cu hefe di servicio di impuesto pa atende ponemento di aanslag pa inkomstenbelasting y pago di restitucion
E momento di trata bo declaracion no ta depende (solamente) di e momento di entrega di bo declaracion. Esei tabata e caso den pasado (drenta prome – sali prome). Si bo declaracion por wordo controla dor di e sistema, e ora’ei kisas bo por ricibi bo restitucion denter di 1 luna despues di entrega bo declaracion. Si bo declaracion ta robes yena of si tin un otro motibo cu bo declaracion mester wordo controla manualmente pa un empleado, por dura varios luna prome cu bo ricibi bo restitucion. Tur siman ta trata mas o menos 600 declaracion anualmente, paralelo na e proceso automatisa. Esaki ta conta tambe pa e tratamento di declaracionnan di añanan anterior (2018-2021). E pago di restitucion tambe ta un proceso continuo
Ademas di e control di declaracionnan di impuesto riba entrada, tur siman ta trata mas o menos 200 peticion di ophesion di impuesto (bezwaarschriften) riba entrada
Ta y lo implementa diferente accion di mehoracion den e proximo periodo pa por automatisa y atende un parti mas grandi di declaracionnan di impuesto riba entrada mas lihe posibel