Taxista y Uber ilegal tin na Aruba, pero cu gobernantenan y of parlamento kier mira esaki y acepta esaki cu ta pasando riba e pida baranca aki ta un reto cu tin. Sinembargo Parlamentario Marco Berlies tabata bon cla cu Aruba tin su leynan , pero cu comerciantenan principalmente esunnan di hotel ta cumpli cu e leynan di no tuma ilegal na pia di trabou ?, ta un punto cu pa añanan caba ta un reto pa atende cu esaki husto pa Pais Aruba.
Sinembargo cada comerciante cu tin un ilegal ta traha pa nan esaki ta “Strafbaar” y segun parlamentario Marco Berlies fraccion di MEP nunca lo para pa cosnan cu ta ilegal. Por a compronde cu tin un taskforse cu lo mester funciona pero no ta mira esaki ta eherciendo e trabounan necesario. Ta importante pa esunnan cu ta traha rond di e ambiente ilegal y cu ta wak loke ta sosode pa raporta esaki y asina yuda combati ilegalidad na Aruba.
Segun parlamentario Marco Berlies e situacion di ilegalnan di Aruba ta caso di maneho y e no ta cay bou di parlamento y segun Berlies e leynan ta na su luga. Si tin un ilegal na trabou ta un acto ilegal cu Aruba tin su leynan cu e tin su consecuencianan.
Sinembargo e ley di ilegal cu a ser cambia pa e ilegalnan y cu kier pa yama nan indocumentado nan a keda cambia di strafbaar pa e ilegalnan a bira administrativo pa e indocumentadonan cu den principio ta e mes un eror y falta di respet nan a comete di trapa riba nos leynan na Aruba, asina fini e ley a wordo cambia na beneficio di personanan cu ta bin Pais Aruba keda beneficia indirectamente siendo cu nan ta trapa riba e ley y regla di un pais.
Sinembargo nos propio politiconan a cambia e ley aki pa beneficia personanan cu ta bin Aruba conscientemente, keda ilegal conscientemente, trapa riba nos leynan conscientemente, traha ilegal conscientemente, keda sin aporta na Pais Aruba conscientemente y ainda nos kier pone tapijt cora pa beneficionan sabiendo conscientemente cu nan a viola nos PAIS y burla di nos sistema. E cambio di e ley aki e politico realmente a traha pa Pais Aruba ?
