Despues di no a haya ningún reacción for di Ministerio Publico, Otmar Oduber a dicidi di bay Hues Comisario.
Un biaha mas el a pidi pa claridad di kico ta bay pasa cu caso Flamingo, e dossier cu OM tin contra su persona. Informacion cu e tal dispone di dje ta mustra cu for di januari caba a cera e dossier y no sa kico OM ta warda ainda pa tuma un decision si ta seponeer e caso of ta hibe dilanti.
E fiscal cu ta atende e caso awo ta uno nobo mirando cu e otro su contracto a caba y a bay Hulanda caba.
Hues Comisario, segun Oduber, a haci diferente pregunta y a priminti di duna un contesta hopi lihe di kico su decision ta. Oduber kier contesta of kier pa ordena OM duna nan un contesta kico ta bay pasa awo, ya cu e caso ta cera.
