ORANJESTAD, Aruba
Seccion Social Psychiatrico miho conoci como SPD ta un seccion di Departamento di Salud Publico. SPD ta e servicio cu ta duna guia, sosten y tratamento psychiatrico na pashent y nan famia.
Debi na e crisis di covid-19 SPD ta informa cu nan tin cu adapta nan maneho diario pa por duna poco mas sosten na e team manehando e crisis. Pa e motibo aki a tuma e desicion cu desde diamars dia 11 di augustus ta sera e localidad di SPD na San Nicolas pa publico te cu proximo aviso.
Pashentnan cu ta haya servicio di SPD na cas, lo sigui haya esakinan. Tur otro servicio cu mester wordo busca na nos localidadnan por haci esaki na Santa Cruz of na Oranjestad manteniendo nos mes na tur medidad di proteccion. Pa cualkier pregunta por tuma contacto cu nos libremente na 5224249.
