Aruba Tourist Authority A.T.A a uni su mes cu e campaña di Limpi LImpi cu a keda introduci ultimo. CEO di A.T.A Ronella Croes ta duna di conoce cu A.T.A lo introduci diferente iniciativa pa asina amplia e conocemento di e importancia di un Aruba limpi, pero tambe diferente iniciativanan cu tambe por conduci na un Aruba mas limpi.
A.T.A cu placer ta lansa un campaña nobo pa asina como A.T.A duna su granito pa e causa. Segun CEO di A.T.A Ronella Croes e ta importante no solamente pa nos residentenan pero tambe pa nos bishitantenan.
Si mester bay bek den tempo varios aña pasa un ex director di A.T.A sra. Mirna Jansen a introduci un slogan cu a keda hopi valido , y esaki ta “ Un Aruba dushi pa biba ta un Aruba dushi pa bishita “ Esaki sigur ta bisa hopi.
A.T.A ta midi tur luna e bishitantenan riba diferente topico entre otro e topico di con limpi Aruba ta y pa nan duna nan opinion tambe. Den e midimento aki limpiesa di Aruba ta score relativamente bon, pero tin varios comentario di sushedad , principalmente den diferente areanan hopi frecuenta, incluyendo nos playanan.
Den e contexto aki A.T.A ta scucha nos bishitantenan y ta scucha nos local nan , pero tambe kier respeta nos naturalesa y nos medio ambiente. Na final di dia nos ta rondona di awa y un cantidad di sushi ta drenta nos awa tambe y nos mester preveni esaki, paso e tin un impacto negativo riba nos bida maritimo.
Pesey mes pa A.T.A ta un placer banda di iniciativanan existente pa lanta un otro iniciativa awe , e iniciativanan existente ta e bari sushi nan cu ta poni rond di nos isla, Ta pidi usuarionan pa separa nan sushi, ta contracta un compania pa recoge e sushi y recicla. Tambe e iniciativa ta inclui pa medio di plataforma “ BAN SERIO” pa haci e conscientisacion tambe.
Awe A.T.A ta tuma paso nan adicional y asina ta duna realse tambe na iniciativanan di gobierno di Aruba y tambe otro institutonan pa asina na final di dia nos tin un Aruba mas limpi , banda di esaki ya caba ta den combersacion cu ministerio di minister Arends pa mira con por coloca mas bari di sushi otro aña y asina tambe contribui na minister Dangui Oduber por medio di TPEF unda lo coloca mas bari di sushi.
Segun CEO di A.T.A Ronella Croes tur e paso nan aki por conduci na un Aruba dushi pa biba y dushi pa bishita.