Oficialmente Otmar Oduber a anuncia cu a tuma partido PPA over y ta sumamente contento unda cu a inicia cu un reunion na cas di su mayornan cu tabata un reunion simbolico y no publico, pero cu personanan cu ta sostene su persona pa hopi aña. Tambe esunnan cu a yega cerca y a expresa cu nan kier forma parti tambe pa drenta e arena politico bek.
Hopi ta esunnan cu a cuminsa specula con Otmar Oduber ta bay den un eleccion cu a ser yama asina lihe. Sinembargo manera cu gobierno a caya a cuminsa cu reunionnan y a scoge PPA pero na mes momento a indica dicon a scoge PPA como e partido cu kier hiba padilanti y bay cu ne eleccion.
Partido Patriotico di Aruba PPA ta wordo identifica no solamente como e unico partido na Aruba cu a logra e 15 asiento na Aruba cu den historia ta e partido cu a logra mas tanto sosten di e pueblo di Aruba, tambe Partido Patriotico di Aruba PPA ta e partido cu mas a goberna tras di otro casi 20 aña na Aruba den su gloria, esaki ta pa motibo cu PPA ta e partido cu a unifica e pueblo.
Otmar Oduber ta indica e tarea cu e tin y e escogencia pa a scoge partido PPA ta pa bay lanta PPA bek y hiba e partido na e gloria di Juan Enrique Irausquin cu e ideologia nan di su persona turistico,economico y vision cu e partido semper tabatin lo rebiba esaki bek. No ta un secreto cu Juan Enrique Irausquin tabatin e honor pa pone e prome hotel pa Aruba na Palm Beach y awe por bisa cu Otmar Oduber tin e honor di ta e politico cu a habri e prome hotel pa San Nicolas pa e pueblo di Aruba.
Tur esaki nan ta considencia nan cu tin y cu ta pone e union aki y e decision pa bay cu partido PPA cu a keda forma door di politiconan cu antes tabata traha hunto.
Otmar Oduber su omo Dolfi cu e tempo ey tabata diputado di PPA hunto cu sr. Betico Croes di MEP y sr . Chomi Yarzagaray di AVP a uni di un lucha unda cu e la cuminsa cu Shon A Eman y Henne Eman , nos mester por papia e historia nan aki habri unda cu nos no tin nada di kita di elogio di e logronan cu tin di nos politiconan anterior. Nos mester gara tur e luchanan aki y unifica Aruba. Nos no por pidi e pueblo union, nos no por pidi e pueblo pa no bringa pa politica , pero e politicanan mes ta bringa, lastra otro y ataca otro manera no tin mas.
Ta importante pa bay bek y wak e fundeshi di e politica cu e logra cosnan grandi pa nos por disfruta di dje awe. Generacion nobo, politica nobo tur ta bon bini. Esunnan cu kier join, hobennan y partidonan politico cu kier join ta bon bini , pero nos mester traha cu un plan, mester traha abase di vision y traha abase di logra cosnan cu e pueblo aki merece.
