Lider di partido PPA awe den pasado tabata 2 aña minister di Infrastructura y durante di e aña nan aki ni un caso di corupcion tabatin durante di e dos añanan ey. Esaki ta pa motibo cu a pone ordo y transparencia den DIP. Sinembargo despues di e dos añanan unda cu ya caba no tabata minister tin tur tipo di acusacionnan cu ta tumando luga na e momentonan aki y tin un DIP stanca y un economia paralisa.
Otmar Oduber ta indica den su periodo tabata e temporada cu DIP a duna mas tereno cu nunca e no a duna, un cantidad di 1800 tereno a keda duna na ciudadano nan pa nan por traha nan cas. Tata y mamanan di famia cu tabata warda mas di 10 pa 30 aña pa nan por a haya un tereno pa nan por traha nan cas. E tempo ey Otmar Oduber a pone como meta pa e ciudadanonan por logra nan cas.
DIP tabata funciona y drey conforme tur e reglanan necesario cu tabatin. Por bisa cu te awe e reglanan cu ta vigente na DIP na e momentonan aki a keda haci den e dos añanan cu Otmar Oduber tabata minister di infrastructura na 2018. Lamentablemente prome cu 2018 no tabatin un maneho y despues di 2018 te cu awe na 2024 ta e mes un maneho di Otmar Oduber ta vigente na DIP.
Otmar Oduber ta kere cu e acusacion di politiconan banda banda tanto e grandi nan y e chikito nan y hasta di esunnan cu ta den parlamento cada un di nan ta purbando di tira mas lodo riba otro.
Awe por mira parlamentarionan cu ta sinta den parlamento cu ta tabata dos aña sospechoso y cu a sconde esaki pa parlamento ta yama otro pa corupto.
Parlamentarionan condena cu prizon sinta den parlamento ta yama otro pa ladron y corupto.
Miembronan di parlamento cu tin nan colega Co lider di nan partido sinta den minister raad te awe, mientrastanto ta yama e gobierno pa corupto y kier baha e gobierno unda e tin su mes un Co lider di partido sinta den conseho di minister ta tuma decision tur dia cu e mes un gobierno cu su Co lider den parlamento y cu ta yama nan mes generacion nobo, Jong y di futuro ta yama su mes un Co lider pa corupto.
Esaki ta formando un parlamento awe di un nivel hopi abou y sin norma y balor y prinsipalmente un focus pa traha conceptonan di ley pa Pais Aruba.
Sinembargo cada persona ta para responsabel pa nan actonan y Otmar Oduber ta indica cu 5 anja largo, y ta e prome y unico minister y persona cu mester a bay 7 biaha corte pa porfabor trece e casonan padilanti pa por demostra su inocencia. Cu e caso aki por demostra cu tin politica drechi y cu a traha hopi duro den pasado y ta cla pa sigui traha den futuro y sigui cumpli cu comunidad di Aruba.
Ta kere na mes momento cu e fenomeno cu Aruba ta sinta gosa di dje di tur e teatro cu ta keda hunga , enbes di nos para keto un rato y realisa cu tur e teatro cu ta keda hunga Hulanda ta mira esaki pa hinca nos tur den un bala y pa mas y mas nan come riba nos autonomia y tur e lucha cu a tuma luga di esunnan cu a lucha cuminsando for di Shon A, Henny , Juancho , Betico, Nel cu a lucha pa nos ta baas den nos mes un cas , si nos no para keto y stop di hunga politica nos mes ta entrega Aruba den un bandeha di plata na Hulanda, pa Hulanda crucifica nos, sacrifica nos y asina nos lo perde nos autonomia.
E politiconan cu ta grita boca grandi ta bon cu Hulanda ta cay aden ta politiconan cu no a biba prome cu 1985 -1986 na Pais Aruba y no ta corda mas con Aruba tabata biba den un constelacion Antiano caminda cu Aruba no tabatin ni un balor.
E politico cu ta grita ta bon pa Hulanda tuma over ta paso nan no ta stima e baranca aki. Sinembargo Partido PPA ta hopi cla cu no ta acepta e condicionnan cu Hulanda kier pone Aruba den dje atrabes di un landspakket unda kier pone Aruba bek den un constelacion Hulandes
