Pa bo goberna mester tuma decision asina e politico Otmar Oduber ta duna di conoce, hopi biaha politiconan tin miedo pa tuma decision pa tur sorto di motibo. Segun Otmar Oduber si bo no tuma decision nunca bo no por mira un cambio. Na ki momento por tuma un decision ta na momento cu tin un vision y splica kico kier haci pa e comunidad pa e comunidad por mira y sinti cu ta traha pa nan.
E realidad ta cu awor aki no tin un vision segun e politico, y ta canando patras di e echonan unda cu Hulanda ta determina pa nos di kico nos mester haci, y actualmente esey ta loke cu Aruba ta haciendo manera un mucha bon mucha den klas ta haciendo su huiswerk pa wak si por logra pasa su examen, pero na final di dia nos no ta bezig ta prepara nos mes pa un vision pa e ora tin un determinacion como politico pa tuma decisionnan pa accionnan tuma luga den futuro.
Lamentablemente ta mira pa añanan caba na unda cu pa hopi aña ami como politico a yega di vocifera manera mi pensamento nan ta y no ta di e popular ey mirando cu hende tin miedo di cambio. Na momento cu ta papia di privatisa un departamento e hende nan tin miedo di un cambio y ta crea y pensamento di cosnan cu no ta, porehempel lo kita hende for di trabao. Segun politico Otmar Oduber esey no ta cuadra cu berdad.
Lo mester haci e proceso mas eficiente unda cu mester crea oportunidad pa e trahado. Un ehempel grandi ta e departamento di A.T.A cu tempo cu e politico Otmar Oduber tabata minister di turismo a crea un modelo di Sui Generis unda cu antes A.T.A tabata costa gobierno 37 miyon florin pa aña di belasting di pueblo, awe por mira un A.T.A cu tin un presupuesto riba 100 biyon florin cu e no ta haya di gobierno pero A.T.A ta debolbe placa na gobierno. Manera nos tur sa ultimo gobierno a caba di aumenta roomTAX di 9 % pa 12 % cu ta haya 40 miyon adicional pa caha di gobierno.
Segun Politico Otmar Oduber Fuera di e medidanan cu a keda anuncia te dia di awe no a tende ningun hende a hiek riba dje. Aruba mester tin un vision y prome cu tur cos nos mester por sa y determina unda nos kier bay kico nos kier logra. Pa San Nicolas kico ta e decision cu ta tuma pe y no para warda of basila entre diferente ponencianan of oportunidadnan manera un rato kier hotel , un rato kier refineria , despues kier algo otro diferente na un refineria y despues di un rato no kier hotel, tur e insiguridadnan aki a pone cu pa 40 aña of por bisa casi 45 aña despues cu e refineria cu a cera su portanan na 1985/1986 cu practicamente henter un pueblo na San Nicolas pariba di nos isla no a logra sali for di e debate cu tabatin for di e tempo ey. E pasonan aki realmente ta determina un politico su futuro unda cu mester percura pa tin un vision. Mester ta sigur cu tin un vision pa ehecuta e vision y trece accion caminda cu por pone e comunidad y trece tur hende hunto bao di un solo capa cu ta gobierno, sector priva, e trahado, instancianan, sindicatonan , gremionan tras di un solo meta pa logra e obhetivo.
Click aki bao like y share