Como ciudadano consciente mi ta hopi preocupa! Bisiñanan ta sclama auxilio! Mi ta biba den e area di Simeon Antonio y for di aña pasa mi a nota algo fuera di normal apart di e sero di calichi cu ta wordo mina for di e area pa comercialisa tin un sero pero di sushi y esey no ta di Landfil Parkietenbos!
Mi a bira desespera y a bira bek y pa mi sorpresa a topa cu e desagradabel situacion di un imagen negativo pa nos medio ambiente un OTRO DUMP! Mi a dicidi di core bay na e dump na Parkientebos y a mira cu ey ta keto y cu e seroe ta parce mas bien seroe di santo cu por wordo mina y baha. Mi a dicidi di bira bek y a mira cu e sushi ta poco dificil pa mira pero for di e entrada pa bay barcadera por mira esaki. Mi a contrata un drone operator cu alaves di no ta cobra paso ora e la mira e situacion e mes a drenta den panico.
E Area aki ta wordo uza uno ( 1 ) pa procesa sushi di un compania priva como tambe sushi residencial di Aruba. ( dus paga pa serlimar segun ma compronde mas di 100 mill florin pa siman ) Na e facilidad aki e sushi ta yega y ta wordo comprimi y despues hinca esaki den un tipo di saco preto pa e wordo dera den subsuela cu den futuro no mucho leu lo crea un otro problema!
Dos ( 2 ) E tin un sero manera un dump cu ta bayendo for di control, holo malo, sushi peligroso cu lo por cende na candela cu efecto negativo pa nos medio ambiente sin conta e efecto negativo pa nos airport cu lo mester cera mirando cu e ta hopi mas cerca di e via unda avionnan ta lanta cu e dump na Parkietenbos.
Tres ( 3 ) Tur material saca di e suela aki ta pertenece na pais Aruba manera ta oro ta wordo saca pero e beneficio ta pa otro y no pa e pueblo!
Cuatro ( 4 ) Gobierno actual y bou maneho di Minister Ursell a laga cera dump y no kier a sigui cu e vision di e unico solucion pa desperdicio esta un insinerado cu ta mas practico y ta elimina sushi den gran cantidad y ta wordo uza na nivel mundial te hasta UN ( United Nations ) ta un di e cumpradonan di mas grandi di insinerado na nivel global.
Nos ( gobierno) no a focus den drecha e problema pero awo e la bira pio!
Den e reportahe grafico por mira con grandi e sero di sushi ta y ta mustra di bira mas grandi y cu consecuencia grandi no mucho leu pa nos comunidad!
Como ciudadano mi a busca hopi informacion rond y a cana bishita algun bisiña den e area y tur ta sclama cu grito di auxilio na gobierno prome cu ta laat!
