Ta fin di aña hopi ta esunnan cu ta preparando nan buged pa cuminsa Keur auto. Hopi ta esunnan cu ta yama y of ta mira e posibilidad di traha sita online pa por bin keur auto. Sinembargo DTI no ta asina delanta y tampoco sofistica y pio profesional den Customer service na ciudadanonan na Aruba.
Tampoco no ta tuma of traha afspraak via di telefon. Esaki sigur ta decepcionante pa hopi ciudadano. Banda di no ta duna e servicionan aki ciudadanonan cu ta yama y ta desea un cita mirando cu nan ta na trabao, ta wordo avisa nan no por duna e servicionan aki y cu cada ken mester bin personal pa haya un cita , e persona cu ta atende telefon no tin ni un nivel di educacion pa duna un bon impresion di Customer service y ta rabia mirando cu ciudadanonan ta haci e peticion, pero ta exigi pa nan bin tuma nan afspraak personal na DTI, y na momento puntra dicon no ta tuma afspraak via di telefon of no tin website pa esaki cu por haci esaki online, cu un mal actitud ta cera e telefon den horea di ciudadano.
Esaki sigur ta un falta di respet principal mente na personanan cu ta traha den e organisacion di gobierno y ta trata e pueblo cu un arogancia siendo cu ta e comunidad ta esunnan cu ta paga nan salario di tur luna, enbes di cu nan trata e clientenan bon pa nan paga nan obligacionnan manera mester ta , nan mes como departamento di gobierno ta core cu e persona cu no ta haya e gana di bay keur ningun auto y kende ta esun cu ta perde ? Land Aruba , ta stroba un proceso pa gobienro haya placa den caha di gobierno “ Client eta Rey “ esaki ta e prome instruccion den Customer service paso nan ta esun cu ta pone bo departamento drey y paga cada ken cu ta traha den e departamento. Ambtenaar nan na DTI ta laga hopi di desea.
OPINION PUBLICO: Ambtenaar mal educa na DTI falta hopi di siña kico ta Customer service
