Esaki ta smokescreen pa tapa e abusonan di gobierno Hulandes i desvia atenshon pa e pueblo bai vota keriendo ku su voto por trese kambio den struktura di kolonia kaminda no ta esun ku vota pe ta disidi pero Den Haag ta disidi.
E notisia di Gezaghebber ta den kuadro di kampanja pa elekshon ku ta na kaminda na mart 2023. Gezaghebber ta un funshon i institushon kolonial i ku no ta vota pe, ta wordu nombra pa Hulanda i e ta traha pa i na interes di Gobierno Hulandes. E la hasi su trabao dje bon ey, saliendo na interes di Gobiernu Hulandes, ku e la wordu nombra pa un segundo periodo di 6 anja pasobra Gezaghebber Rijna a permiti huntu ku UPB, MPB inkluso Daisy Coffie awor ku su mes partido nobo M21 I Clark Abraham Frakshon Liberal I despues a bira DP bek, tur a bai di akuerdo pa Hulanda viola ley internashonal i ankra e pueblo Boneriano den konstitushon Hulandes sin derecho igual i kontra deseo i voto No di e pueblo Boneriano.
Esaki ta “smokescreen” pa tapa e problemanan kaminda ni gezaghebber no niun politiko ku ta den gobiernu na Boneiru no tin nada di bisa, ya ku ta Den Haag ta disidi. Un farse i burla di demokrasia, kaminda un ehempel awor na mes momento aki awor kuenta di koriente a subi desproporshonal awe na Boneiru i esaki for di Hulanda, ACM, Autoriteit Consument Markt ta disidi i no tin kunes ku e pueblo ta luchando pa sobrebibi. I ni gezaghebber ni niun di e politikonan gobiernu o oposishon no por hasi net net nada. I mientrastantu e Boneriano a wordu redusi destitui na un grupo di minoria riba su mes isla i pa 2030 lo ta menos ku un tersera parti di e populashon i lo disparse den futuro serkano.
Hulanda su politika di divishon ta funshonando al perfekshon i nos ta sigui kai den e mesun trampa kada bes kada elekshon enbes di uni kontra e enemigu komun ku ta e kolonisado Hulanda ku ta usando nos mes kontra otro.
