Kazèrne di Marina na Savaneta, Aruba, un biaha mas ta habri su portanan pa públiko riba 1 di mei 2023. Despues ku pa 4 aña largu no por a tuma lugá un Dia Habrí, por fin a yega asina leu atrobe. Tur hende ta bon biní pa bin tira un bista entre 10.00 or te 16:00 or. Lo ta na Marina Real. Tambe nos sosionan den seguridat, tal manera Wardakosta Region Karibe Hulandes, Kuerpo Polisial Aruba, Brantwer i Bureau Rampenbestrijding Aruba lo tei presente henter dia.
Durante e Dia Habrí lo por mira diferente demonstrashon di tantu Marina Real komo tambe di e sosionan den seguridat. Bishitantenan por kome algu na e ‘foodcourt’ nan i kana keiru rònt na e diferente tèntnan di e merkado. Tambe lo tin un ‘Superlottery’ ku bunita premio. E rekoudashon di e lòtnan bendí ta bai pa dos organisashon benéfiko, entre otro: “Trampolin pa Trabao” & “Fundashon Muchila Creative”. Radio-emisoranan CoolFM & FreshFM lo proporshoná músika ‘live’ na e lugá durante e Dia Habri.
Sigui e página di Facebook: https://www.facebook.com/Opendagmarinierskazerne pa keda na altura di notisianan rondó di e Dia Habrí. Registrá pa e evenementu riba Facebook i risibí e último notisianan direktamente.
Nota pa Redakshon:
Riba Djarason 19 di aprel di 13.00 or te 14:00 or lo tin un konferensha di prensa pa medionan di komunikashon na Kazèrne di Marina Savaneta, Aruba. Registrashon por te ku 17 di aprel via mj.hiraldovos.v.kooten@mindef.nl, despues di esaki lo bo risibí un e-mail, despues di kua lo bo mester kompletá bo datonan. Pa akseso na Kazèrne, bo mester tin un prueba di identidat bálido huntu ku bo.