Drs. Marisol Lopez Tromp a busca tur forma pa keda den politico despues cu tres diferente partido cu a core cun’e.
Manera ta conoce Marisol Lopez Tromp ta participando pa di cuater ocasion na un eleccion riba un otro lista politico caminda su inicio tabata den partido MEP.
Despues di a bandona MEP, a uni su mes na partido AVP, pa despues dicidi di bay yuda lanta partido POR, cual partido a expulsa su persona aña pasa.
Despues cu gobierno di MEP RED y POR a pidi su retiro cu intervencion di Gobernador, Marisol a bira un Ministro Spirito, pasobra el’a keda sin partido, pero algun siman prome cu entregamento di lista, el a dicidi di bolbe bay eleccion y finalmente a dicidi di haci esaki como lider di partido MAS.
Mientras cu na varios ocasion e lider di MAS ta papia cu ta para pa integridad y bon gobernacion, e tin cosnan pa bin splica pueblo y aclaria, manera entre otro caminda e ta trapa riba derechonan di ciudadano y companianan.
Tambe den pasado e politico a haya su mes cu mas situacionnan dudoso entre otro Fiansa miyonario a stagna na momento cu MOT a bati alarma ora sumanan grandi ta pasa di Curacao pa Aruba.
//Marisol vs Dammers;
Tambe ta cuestionabel na momento cu haci un denuncia falso, esaki no ta castigabel ? Manera tur hende sa na momento cu cualkier ciudadano humilde haci un denuncia falso e ta castigabel y e persona por bay sera. Sinembargo esaki no a sosode cu e politico aki, kisas pasobra e tabata presidente di parlamento e tempo ey ?
// Screening di Marisol a tarda tres luna, dicon ?
Na momento cu e politico a dicidi di acepta pa reemplasa lider di partido POR, Otmar Oduber como Minister di Infrastructura na 2020, por a ripara cu e proceso di screening a tuma un tempo mucho mas largo cu locual ta custumbra cu ne.
Un proceso cu normalmente bao di circunstancianan normal ta tuma luga algun dia of siman, den caso di Marisol, a bin tuma casi tres luna pa asina e por pasa door di e screening pa bira Minister manera finalmente a sosode. Rara rara
Awor un biaha mas riba lista politico y profilando su mes como politico integro y recto, lo ta bon pa e lider di MAS aclaria di con e proceso di screening di su persona a tuma asina hopi tempo, algo en realidad inusual.
// Ontduik Belasting, sconde belasting of keda sin paga;
Hunto cu e campaña cu e lider di MAS a bin ta hibando, ta pone cu tin puyitonan cu tambe ta sali for di bou di macuto caminda entre otro den e proceso tambe pa el a bira Minister na 2020, e mester a bay atende y aclaria un asina yama “belasting ontduiking” pa un suma basta halto di miles di florin, loke aparentemente el a logra di atende y soluciona cu e mester a paga sino no por a bira minister y forma parti di gabinete Wever Croes.
Pues por bisa cu e politico cu ta yama su mes integro no por a bira minister paso mester a soluciona e tracion cu e la haci cu pueblo di Aruba y no paga su belasting, algo cu sigur no ta di acepta y tampoco e ta bira un persona confiabel pa maneha departamentonan di gobierno. Trahadonan di belastingkantoor a pasa un momento tof, pero regla pa un, regla pa tur, ta conta na belastingkantoor.! Tin entendi cu hasta menasa a cay.
Sinembargo, nos ta invita e politico pa e mes splica pueblo ta kico a sosode y finalmente ta cuanto e mester a paga pa por a bira minister.