Carlos Maduro no ta un persona desconoci den nos comunidad. Un comerciante den e area di Bushiri , na momento cu e tende y mira cu e team di Bushiri Boys a logra nan meta di a gana diferente wega cu team nan profesional y grandi den nos comunidad e pensamento mesora a bay pa yuda.
Na centro di bario playa pabao e bautismo di uniform a tuma luga y ta mira cu tin un grupo di mucha homber cu no a haya chance den nan bida manera debe ser. E berdad ta cu nos tur na jong ta haci fout , pero cada un di nos merece un oportunidad pa drecha nos erornan.
Na momento cu a tuma nota cu e team a bira campeon y a saca nan mes di nan mes un forsa sin sa cu nan di Bushiri e pensamento a sali pa yuda nan, y na momento cu a reuni cu nan y haya sa cu nan ta di Bushiri , mas ainda e yudansa a bira mas fuerte mirando ci Office Systems Aruba ta keda tambe na Bushiri cerca di nan mes den bario y esaki a haci mas ainda e animo pa yuda e muchanan aki pa nan por haci nan deporte preferi.
Na momento cu e sinta na mesa por a scucha e historia unda cu e coach a haci hopi pa e muchanan unda cu boluntariamente a hinca su mes un placa, su mes un tempo y guia e mucha nan pa nan bay den bon caminda.
Pa Office Systems Aruba no tabata un duda si ta bay sponsor e team si of no, pero a tuma e decision cu lo sponsor nan pa nan por sigui den e bon caminda. Tambe por mira cu e hobennan ta canando den bon caminda.
Hopi biaha Bushiri tin mal nomber, pero mester yuda e hoben nan aki y kita e presentimento aki pa asina nan por sigui bay padilanti y Office Systems Aruba kier forma parti di e desaroyo aki. Propietario di Office Systems Aruba Carlos maduro ta encurasha comerciantenan pa nan aporta y yuda esunnan cu mas tin mester, club nan grandi ta cla caba, pero grupo di hobennan cu tin e deseo y cu kier progresa, como comerciante tambe lo mester duna e hobennan aki un man pa nan demostra cu nan tambe por bay dilanti y progresa.
Carlos Maduro kier encurasha tur hoben pa nan sigui nan soñonan y sigui bay padilanti, sea con e situacion ta y tur cos cu pasa den bida ta un les cu por siña di dje y haya sa kico ta e bon y malo y busca un manera pa bay dilanti den bida.
Un pabien na e coach Elvin Geerman cu a sa di duna e muchanan aki amor y cariño y mas tanto pusha nan pa ta un miho persona den bida.
