“Ocho Modelo di The Chaz Modeling & Talent School biahando pa Punta Cana Merengue Fashion Week PCMFW2023”

The Chaz Modeling & Talent School den cuadro di su 25 aña di existencia lo tin 8 Modelo biahando pa participa den un Fashion week hopi renombra na Punta Cana. E Fashion Week aki lo conta cu hopi Modelonan, Designers y tambe coaches y Prensa International cu lo cubri e evento aki. E ta wordo organiza pa e Organizacion Gatsby dirigi pa Sra. Nerys Diaz. E Modelonan lo risibi taller di Pasarela, Photo Shooting y lo desfila pa diferente designers Local y tambe Reconosi di Caribe.

Nos modelo Ganadornan di Orlando Fashion Kids 2023 (OFK) a hanja invitashon special cu tur gasto paga pa tey presente cual nan ta Caithlyne Kock Pre Teen Top Model OFK 2023 y Stacey De Veer Super Model OFK 2023.

Tambe lo ta biahando Tanique Chan, Kaythairy Richardson, Danielle Raymakers, Giandra Croes, Jennyraine Maduro y Annabell Bislip kende porcierto a caba di baha corona na Republica Dominicana como Beautiful of the World Agnes 2022.

Aruba por ta sigur cu nos hobennan lo bai hasi un tremendo papel.

Ta great pa Mensiona cu nos tin entre e Modelonan aki 3 Mucha Special cu sigur lo bai demostra nan Talento riba pasarela y asina mustra cu Inclusion y Integracion ta juda desaroya nan positivamente.

Nos lo tin tambe 2 di Nos Modelonan cu lo ta e mesun siman aki na Punta Cana pa e Certamen di Miss Ambar Mundial. Cual lo ta Mini Aruba Thaheely Geerman y Pre Teen Aruba Maya Gordon. Nan lo ta hunto cu Cas Princesa. Y sigur nos lo apoya nos modelonan grandemente.

Por sigui nos modeloanan nan trajectoria otro siman dianan 3, 4 y 5 augustus 2023 via nos plataforma social: Facebook y Instagram, The Chaz Modeling & Talent School y Punta Cana MFW.