Obispado di Willemstad kier haci uzo di e oportunidad aki na un manera misericordioso y prudente, pa dirigi e comunicado aki na tur fiel p’asina evita tur confusion rond di e caso di supuesto aparicionna n di La Birgen Maria, na Sra. Valerie.
Den pasado Obispado ya a expresa e posicion di Iglesia rond di e caso di Sra. Valerie. Den e tempo ey, Iglesia a indicad cu no por papia di aparicion ni tampoco manifestacionnan sobre natural. Iglesia a urgi tur fiel cu tabata bishita Koyari pa por regresa bek nan parokia y mantene nan mes fiel na e enseñansa di Iglesia y un bida di Oracion, y celebracion di sacramentonan bou di guia di nan pastoor.
Apesar di esaki Obispado a turna nota cu no ta tur fiel a duna oído na e instruccionnan di Obispo Luis A. Secco, y awor e situacion a bira aun mas delicado. E situacion manera e ta awor ta uno completamente priva i rond di Sra. Valerie. Pa e motibo aki, Obispado ta bolbe enfatisa cu Iglesia no ta para tras di ningun di e suceso nan di ultimo tempo y ta bolbe trece dilanti cu den bista di Iglesia no tin ningun aparicion y of manifeslacion sobre natural.
E tereno na Koyari ta di un famia cual a turna posecion bek di loke ta pertenece na nan. Pues esaki y loke tin riba e tereno no ta di Obispado.
Obispado di Willemstad ta confia cu pa medio di e comunicado aki a trece un biaha mas claridad riba e posicion di Iglesia Catolico y alabes yuda fielnan catolico pa mantene nan mes firme riba e caminda di Cristo den Iglesia, pa medio di nan comunion cu Obispo, su cleronan y tur nos ruman nan den fe.
