Bou di hopi tencion a tuma luga e tratamento di e caso di abuso sexual di un mucha menor di edad. Un homber hoben, kende cu su 23 aña a cuminsa haci su fechorianan cu un mucha di 4 pa 5 aña cu tabata keda na su cas. Un mucha cu nan tabata cuida for di su 9 luna.
Durante un asistencia banda di su cas aña pasa, e mucha muhe a mira polisnan y a mira esaki e oportunidad pa desahoga su mes. Nan a mishi cu mi, e menor a conta e polis, kende a pone den auto y a bay c une na cas di su mama. SU mama ya caba tabata na altura di loke a pasa c une.
Na e cas e mama a admiti cu e ta na altura kico a pasa cu su yiu, pero e tin miedo cu nan ta kita e mucha for di dje y door cu mama di e sospechoso ta polis, el a kere cu nada lo wordo haci. Sin embargo na warda a logra convence pasobra de lo contrario lo informa otro instancianan di kico a pasa cu e mucha di 11 aña.
Un caso horibel a Sali na cla. For di su 4 pa 5 aña e homber Elton Geerman, kende ta padrino di e mucha, a cuminsa mira e menor di otro forma. A mustr’e materialnan pornografico, despues a mustre su partinan intimo y pa cuminsa mishi cu ne cu su lenga, man, dede, parti intimo. Inclusive a haci uzo di aparatonan sexual pa adulto cu ne. E menor a describi tur e aparatonan aki y nan color. Tambe cu un di nan ta saca sonido.
E acusado mes den Corte a admiti kico el a haci, y e ta bisa cu e no a forsa e mucha. E menor mes ta bisa cu di loke e ta corda, el a bisa e homber semper no y pa stop. Pero e tabata fors’e toch.
Tabatin momentonan cu e tabata sconde pasobra e no kier a bay mas na e cas, pero e no a splica e mama, kende ta traha warda di anochi, di con no. Un aña prome cu e keho, el a conta e mama. Despues di esey e no a bay na e cas mas.
Tanto e mama como e tata tabata den Corte y na final a confronta otro cu palabranan fuerte. E tata a bisa e acusado na final pa e mata su curpa.
Pa e caso horibel aki Fiscal a pidi un castigo di 9 aña y dia 18 di februari tin sentencia.
