Boneiru ta registrá un oumento positivo di 3% di yegada di turista for di Merka Prestashon Turístiko Mensual Boneiru – Resultadonan preliminar
Tourism Corporation Bonaire (TCB) ta mèldu un total di 14689 bishitante stayover pa luna di novèmber 2022, loke ta un oumento di kasi 10% kompará ku e 13400 bishitantenan stayover na luna di novèmber 2019, promé ku e pandemia. E merkado oropeo a presta mas mihó ku tur otro sifra di merkado registrá di yegada di bishitante. Boneiru ta raportá un resultado fuerte di su dos merkadonan mas importante. En total 3337 (23%) wéspet merikano i 7539 (51%) hulandes oropeo a bishitá Boneiru. For di isla besiña Kòrsou en total 1585 persona a yega Boneiru, loke ta 11% di tur yegada.
Alemania, Bélgika, Canada, Suisa i Reino Uní ta pertenesé na e merkadonan sekundario ku a mantené nan partisipashon riba merkado kompará ku e luna anterior òktober 2022.
Diariamente TCB ta ehekutá un monitoreo di prestashon turístiko i tambe ta kompará su KPI-nan (indikadornan krítiko di prestashon) ku e nivelnan pre-pandémiko di prestashon den region. Aña 2019 tabata un di e añanan ku mihó prestashon pa Boneiru i aktualmente TCB ta usa esaki komo standarte pa midi rekuperashon di turismo na nos isla.
Mas aleu e durashon di estadia promedio na Boneiru tabata 7 anochi pa merkado merikano i 14 anochi pa merkado hulandes. Banda di esaki mayoria di nos bishitantenan tin entre 46 i 65 aña di edat.
Den luna di òktober 2022 9 barku krusero a bishitá Boneiru ku en total 21352 pasahero.
Pa e skema krusero aktual wak riba: www.bonaire.portcall.com. Pa mas informashon bishitá www.bonaireisland.com òf manda un email na info@bonaireisland.com.
