Detenshon
Den oranan di anochi riba djaweps 8 di yüni, a detené un hòmber di inisial L.T.S. di 24 aña di edat en konekshon ku violashon di Lei di Opio BES. A para e vehíkulo ku e sospechoso tabata manehá, pa motibu ku e no tabatin plachi di number. Durante e kòntròl por a sinti holó di mariwana. Pa e motibu aki a hasi un kòntròl di Opio. Aki a haña un kantidat di mata, paresido na mariwana. A konfiská esaki i a detené e sospechoso.
Detenshon
Durante un patruya a spòt un outo di kua e shofùr tabata manehá ku un telefòn den su man drechi i tabata bebe for di un kùp ku su man robes. A sende e lusnan óptiko (zwaailicht) pa para e shofùr i pa dun’é un atvertensia di su komportashon den tráfiko. E no a duna oido na esaki. Despues di diferente intento i òrdu pa para e vehíkulo, e shofùr a hañ’é obligá pa para pa motibu ku un outo a para su dilanti. A detené e hòmber di inisial G.G.H.B.F. di 16 aña di edat pa no kumpli ku òrdu di polis, pa trese peliger riba karetera públiko i pa violashon di e Lei di Tráfiko Boneiru.
Disfrutá, pero bebe na midí
Atrobe ta wikènt. KPCN ke avisá pa konsumí alkohòl ku límite si bo ta partisipá den tráfiko. Asina bo ta prevení situashonnan fèrfelu pa bo mes i pa otronan. Ta prohibí pa partisipá den tráfiko si bo a konsumí mas ku e kantidat máksimo permití. Si bo mester bai warda i ta haña un but ta dependé di e resultado di e tèst di supla.
Tèst di supla
Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e tèst di supla. E tèst aki ta mustra si bo a bebe mas ku ta permití pa lei. Resultado di e tèst aki ta determiná si bo mester bai warda investigashon mas aleu. Bo ta nenga di hasi e tèst? E ora ei bo ta haña un prosèsferbal. Dependiendo di e resultado di e tèst di supla bo mester bai warda di polis pa un análisis di rosea. Durante e investigashon aki polis ta midi presis kuantu alkohòl bo a konsumí ku un aparato spesial.
Bo ta manehá bou d influensia di alkohòl? E ora ei bo ta haña un but, un prohibishon (temporal) pa manehá, un kastigu di prisòn òf un kombinashon di e kastigunan aki. E peso di e kastigu ta dependé di e seriedat di e situashon. Bo ta involukrá den un aksidente? E ora ei ta tèst bo mas lihé pa konsumo di alkohòl ku durante di un kòntròl rutinario.
Mi ta kastigabel si mi ta fuma komo peaton?
Esaki ta posibel. Polis por duna un prosèsferbal pa buracheria públiko. Polis a topa bo den estado burachi? E ora ei polis ta uza bo aparensia di buracheria i bo aktitut. E ora ei no ta hasi un tèst di supla.
KPCN ta deseá un i tur un wikènt seif i plasentero!
1 comment
[…] Source link […]