Detenshon pa manehá bou di influensia.
Alrededor di 1:15 or riba djaluna 3 di yüli, un aksidente a tuma lugá riba Kaya Bamba. Despues ku a hasi un tèst di supla ku un di e shofùrnan, a resultá ku e tabata bou di influensia. A detené e hòmber di inisial A.I.T. di 30 aña di edat en konekshon ku manehá bou di influensia di alkohòl.
KPCN ta hasi yamada na doño di outo bandoná
Pa basta tempu tin un outo stashoná riba kaminda públiko den e bario di Tera Kòrá.
Ta trata di un outo koló pretu di marka Dodge, modèl Durango SLT, numerá B-11495. Esaki ta stashoná kantu di kaminda na altura di Kaya Maranon i Kaya Colorado. Un súplika ta bai na doño di e vehíkulo pa kita e outo dentro di 2 biaha 24 ora. Despues di 48 ora, lo laga kita e outo.
Paga tinu! No ta permití pa un vehíkulo ta stashoná mas ku 2 biaha 24 ora riba karetera públiko. Ademas, vehíkulonan ku ta stashoná kantu di kaya, no por ta molèster pa e tráfiko ku ta move òf blòkia entrada di un propiedat. Por duna otro prohibishon òf instrukshon pa medio di bòrchinan di tráfiko den bisindario. Un prosèsferbal pa stashoná na un sitio ku ta prohibí por yega te ku 85 dòler. Si tou bo vehíkulo, bo tin ku paga e gastunan di esaki tambe.
Kuerpo Polisial Hulanda Karibense ta duna konseho kontra ladronisia di skuter
Resientemente a drenta hopi notifikashon di ladronisia di skuter na polis, entre nan hopi skuter di hür. Kuerpo Polisial Hulanda Karibense ta hasi un yamada na tantu doño i hürdónan di skuter pa tuma e siguiente medidanan di seguridat pa evitá ladronisia di skuter. Hürdónan di skuter, uza un kadena ku lòk di kùr (ART3), (ta hür e slòt hopi biaha aserka pa un montante èkstra) i si ta posibel, un di dos lòk. Bo ta uza un kadena òf kabel ku lòk? Instalá esaki parti ariba i lòs. Parti ariba ku espasio for di suela ta hasi’e difísil pa uza un skèr di kòrta heru i esaki ta bira mas difísil pa zag na momentu ku e kadena òf kabel ta lòs i no pèrtá. Na momentu ku un kadena ta riba suela, por uza esaki pa kibra e slòt. Bo ta uza un lòk yamá ‘beugelslot’? E ora ei ta mihó pa kologá esaki mas abou posibel. Yena e espasio di e lòk mas tantu ku ta posibel.
Ademas, kòrda semper pa saka e yabi for di e lòk i para e skuter ku un lòk di stür. Stashoná bo skuter, si ta posibel, na un sitio ku hopi moveshon. Stashoná bo skuter anochi na un sitio ku iluminashon. Stashoná bo skuter kaminda bo tin bista riba dje. Aparte di esei, uza un sistema di alarma i/òf un boton di start si esaki ta na disposishon di e skuter. Hopi biaha bo no ta sigurá kontra ladronisia, pues bo ta responsabel pa e gastunan. Lesa bo kontrakt bon pa mas informashon.
Hürdónan di skuter, instalá un sistema di alarma riba e skuter, konsehá esnan ku ta hür e skuter pa uza un èkstra lòk, uza un sistema pa trèk òf un GPS riba e skuter. Aparte di esaki sòru pa e sitio ku bo ta stashoná bo skuter(nan) ta protehá optimalmente. Un porta i bentana seif, portanan ku skarnir kualitativo. Pone kámara di seguridat na e sitio ku bo ta warda e skuter(nan) ku un detektor ‘stop and motion’, ku asina tin moveshon, bo ta haña un notifikashon riba bo telefòn.
