Insidente ku resultado fatal
Riba djamars 26 di desèmber, alrededor di 1.30 di mardugá, ‘meldkamer’ sentral a risibí notifikashon tokante un bringamentu entre un grupo di hende na altura di un establesimentu nokturno na Kaya Nikiboko Nort. Durante e bringamentu aki tabatin uzo di arma blanku. Na yegada di e patruya, a konstatá ku presentenan mes a transportá e víktima ku a haña vários hinká pa hòspital ku un vehíkulo partikular. Mas aleu por a komprondé ku e sospechoso i un testigu ku a trata na intermediá tambe a resultá heridá i ámbos a bandoná e sitio. Algun ratu despues a drenta notifikashon ku tres persona heridá a presentá na hòspital.
Despues di yegada na hòspital lamentablemente un di e víktimanan enbolbí a fayesé a konsekuensia di e leshonnan ku el a sufri. Alrededor di 3.45 or di mardugá, dòkter a konstatá morto di e hòmber di inisial J.B.V.B. di 29 aña di edat nasé riba 7 di desèmber 1994 na Colombia. En konekshon ku e kaso, alrededor di 8 or di mainta riba e mesun dia a detené un hòmber di inisial M.R.S. di 42 aña di edat.
Polis ta pidi kualkier persona ku por a mira òf tende algu ku por ta relevante pa e kaso aki pa tuma kontakto ku polis na 715 8000 òf via e liña di tep anónimo 9310. Investigashon den e kaso ta andando.
Detenshon pa violashon Lei di Opio BES
Riba djasabra 23 di desèmber, alrededor di 6.30 or di anochi, agentenan di Kuerpo Polisial Hulanda Karibense(KPCN) a tene un kòntròl na entrada di bario Amboina den kuadro di Lei di Opio BES. Durante e kòntròl a topa ku un kantidat di supstansia probablemente narkótiko den un vehíkulo na e sitio. Pa e motibu aki a detené un hòmber di inisial J.G.S. di 27 aña di edat pa violashon di Lei di Opio BES i a konfiská e vehíkulo. Durante un kòntròl mas profundo den e vehíkulo a konfiská diferente artíkulo di importansia pa e investigashon. Relashoná ku e kaso aki, a tene dos entrada hudisial. Ta trata di un kas den Amboina i na un kas na Kaya Kanari. Durante e entradanan hudisial no a enkontrá nada partikular. E kaso ta bou di investigashon.
Bo ta disponé di imágen ku por yuda polis?
Den oranan di mardugá di djamars 26 di desèmber, un insidente a tuma lugá durante kua un hòmber di 29 aña di edat di inisial J.B.V.B. a fayesé. E insidente a tuma lugá na altura di un establesimentu nokturno situá na Kaya Nikiboko Nort. En konekshon ku e kaso aki a detené un hòmber di inisial M.R.S. di 42 aña di edat. E kaso ta bou di investigashon.
Polis ta hasi un apelashon na un i tur ku tin imágen (potrèt i/òf vidio) di e insidente pa manda esaki via e meil politie@politiecn.com. En prinsipio lo trata tur imágen ku drenta di tal manera ku bo anonimidat ta preservá.
Tiene imágenes que puedan ayudar a la policía?
En la madrugada del martes 26 de diciembre ocurrió un incidente en el que falleció un hombre de 29 años con iniciales J.B.V.B. El incidente sucedió en cercanía de un local nocturno situado en Kaya Nikiboko Nort. Un hombre de 42 años con inisiales M.R.S. fue detenido en relación con este caso. El caso está siendo investigado.
La policía apela a cualquier persona que tenga material visual (fotografías y/o vídeos) del incidente enviar este a través del correo electrónico politie@politiecn.com . Todas las imágenes enviadas serán en principio tratadas de forma que se preserve su anonimato.
