Djabièrnè ultimo 16 di desèmber, alrededor di 7 or di mainta un aksidente a tuma lugá riba Kaya Carlos A. Nicolaas. Ta trata di un outo cu a alkansá un siklista i e siklista e keda seriamente heridá. A transportá e persona pa hòspital pa tratamentu médiko.
Sinembargo Awe, djasabra 17 di desèmber alrededor di 10.30 or di mainta e siklista ku tabata enbolbí den un aksidente a fayesé na hòspital a konsekuensia di leshonnan ku el a sufrí. Ta trata di un hende hòmber di inisial M.J.W., nasé riba 2 di òktober 1956. E kaso ta bou di investigashon.
