Noticia di Polis Boneiro

Detencion pa maneha bou di influencia

Den oranan di atardi riba dialuna 28 di augustus a detene un homber di inicial J.L.D.L.C.G. di 49 aña di edad en conexion cu maneha bou di influencia di alcohol. E sospechoso tabata envolvi den un accidente entre dos auto riba Caya Libertador Simon Bolivar. A haci un test di supla cu ne y a consecuencia di e resultado a detene. Despues di un control mas aleu a resulta cu e no por a mustra un seguro valido tampoco. Pa esaki el a haya un proces-verbaal  y a bay cu ne warda di polis pa un analisis di rosea.

Diferente proces-verbaal pa violacion den trafico

Durante e ultimo dianan a duna proces-verbaal pa diferente violacion di Ley di trafico.

A duna tres(3) proces-verbaal pa maneha sin rijbewijs  valido, dos(2) proces-verbaal pa maneha sin seguro valido, dos(2) proces-verbaal pa maneha sin helm bisti, un(1) proces-verbaal pa maneha sin faha di siguridad bisti, un(1) proces-verbaal pa uzo di telefon tras di stuur, un(1) proces-verbaal pa maneha sin rijbewijs y  sin seguro valido, dos(2) proces-verbaal pa maneha sin helm bisti, sin rijbewijs y  sin seguro valido y un (1) proces-verbaal pa maneha sin helm bisti y sin seguro valido.

Bo a mira algo sospechoso? Yama 717 8000 of e liña di tip anonimo 9310.