Nos monumento, Nos historia, Ban Explore!

Aruba su historia tin hopi pa conta, hopi monumento cu ta mantene e historia bibo den nos comunidad, reflehando un storia y un pasado cu diferente detaye nan cu por muestra insignificante pero di berdad ta uno increibel y valioso.

Aruba por conta cu monumento situa den e curason di un districto cu poco poco ta yenando cu diferente arte cu ta asombra cada turista cu ta pasa pa disfruta di un parti di Aruba cu ta refleha e creatividad y bunitesa di nos Pais.  

Si nos ta papiando mes di e districto bunita y creativo di San Nicolaas, Cu pa hopi tempo ta cambiando poco poco como e districto simplemente mas bunita di nos pais pa e arte nan cu nan ta exponiendo, cada uno dedica y cu un storia diferente, uno traha pa no solamente su bunitesa pro tambe pa fortalece nos historia y expande e conocemento di nos mes den nos historia y pasado.

Nicolaas Store cual por cierto ta carga e nomber di e districto unda e ta situa ta expande y ta duna un diferente latido na e curason di San Nicolas, San Nicolas ta un districto unda hopi ta bay pa un tiki quietud y unda tuma un copi coffee na Nicolaas Store por ta un posibilidad. Nicolaas Store ta situa mey mey unda bo exploracion pa un dia yena cu arte y historia por cuminsa.

Nicolaas Store, tambe por wordo conoci como un luga cu Stichting Monumentenfonds Aruba a cumpra for di e famia Nicolaas na augustus di 2013. Despues di a restaura e edificio na su gloria di antes, E Tienda Nicolaas lo acoge E Museo Comunitario. 

Pa realisa e proyecto Aki, Stichting Monumentenfonds Aruba a traha hunto cu Monumentenbureau Aruba i Nationaal Restauratiefonds nederland. E restauracion a cuminsa na 2014 y na september e proyecto tabata completamente termina. 

E monumento aki a ser construi rond di 1940, tabata consisti solamente di e piso abou i tabata sirbi como tienda caminda tabata bende buki, instrumento, periodico, regalo, etc. Despues, e promé piso a wordo construi i a bira e cas caminda e doño di e cas tabata biba cu su famia. Nicolaas store tabata un tienda hopi popular na e tempo ey. E edificio tabata bashi pa mas o menos 20 aña. 

Awo e edificio aki no solamente ta un Museo, Museo comunitario cu ta comparti e storianan di e comunidad manera nos conoce. Y ta cu ta e contacto “real” di e pasado di San Nicolas y Nicolaas Store. Pero tambe ta edificio di Kulture Cafe, cu ta brinda como un luga cu bo por pasa siña algo di nos pasado y historia pero tambe disfruta di un dushi cuminda y koffie. 

Nan orario nobo di apertura for di 15 di augustus 2023 lo ta.

Di diamars pa diabierna 9: 00am-5: 00pm/ Diadomingo 10: 00am-2: 00pm 

Nicolaas store ta solamente parti di e bunita recorido cu bo persona por haci den e bario di San Nicolas, San Nicolaas ta e districto cu mas arte murral aki na nos Pais, cual ta haci e luga perfecto pa haci eventonan manera artfair,carnaval y tambe e bishita di nos realtesa, tur hende cu drenta San Nicolaas ta sali cu un inspiracion nobo di creatividad, San Nicolas y Nicolaas Store ta definitivamente den caminda nan pa bishita den bo vakantie. 

E Museo Comunitario di San Nicolas ta e ultimo incorporacion na e museonan Di Aruba, cu a ser inaugura den e segundo mita di 2017. E museo aki lo ta un invitacion pa explora caponan mas profundo di cultura Na Aruba

E Museo Comunitario ta den E Tienda Nicolaas, un monumento cu a keda restaura recientemente den curason di centro di San Nicolas. Solamente e bunitesa restaura di dos nivel ta merece un bishita pa su mes, cu piso original i portanan di palo. Un terasa na e di dos piso ta ofrece bista di 360 grado riba nos Pais. 

E exposicion ta enfoca riba atrae nos atencion riba aspectonan autentico specifico di E Comunidad Di San Nicolas.

Ban explora y experiencia San Nicolas na un otro manera y cu un otro bista, Nicolaas Store, Kulture Cafe y Museo Comunitario ta spera bo bishita y ta spera di yena bo curason cu bunita historia y sintimento di pasado y tambe bo barica cu un dushi cuminda. Pasa awe mes di 9 pa 5 of 10 pa 2 y celebra y halsa nos historia y pasado. 

Nos monumento, Nos historia, Ban explore!