E historia di Tula a impacta hopi di esunnan cu tabata presente na e anochi di informacion di fundacion Rancho. Profesor Joyce Prerreira tabata e persona cu a conta e historia aki y e investigacion cu a keda haci.
Loke cu a pasa ta un realidad di bida di hende , tur e esclavonan tabata hende cu a biba unda awe nos ta bibando. E islanan den Caribe y Aruba sigur tin un historia asina fuerte , sangriente, ororoso cu semper a keda scondi bou di tapijt. Pero awe por mira cu poco poco lesando, studiando y investigando ta haya sa mas y mas di nos propio historia. Mirando e desaroyo aki ta pone cu ta sigui busca .
Segun profesor Joyce Perreira loke cu e activista Nigel Maduro ta ilustra riba kier tereno bek ta dies un pida mirando cu e situacion na mundo y Aruba ta asina fuerte unda cu for di cuminsamento di humanidad ta kere den un lucha di hende contra di hende, esun kier domina e otro.
Esaki ta loke cu a pasa cu nos tambe 500 aña largo cu colonisacion feroz cu a haci nos awor aki hende cu nos no sa ken nos ta y e serhumano ta buscando awor aki pa conscientisa cu a lo largo por biba un bida liber, liber di perhuicio cu tur e derechonan cu nos tin y cu nos ta sinti cu e otro tambe tin.
E ta un parti basta complica y ta lamenta cu te ainda enseñansa no a yuda nos pa sali for di e situacion aki., pero bo ta bira consciente y sinti esaki na momento cu bo ta lesa y educa bo mes y haya sa mas di loke cu realmente a pasa rond di bo y unda nos ta awe y dicon.
Dia 17 di augustus ta e dia di Tula , pero ta sinti cu ainda falta hopi conocemento di e importancia riba e fecha aki. Segun Profesor Joyce Perreira lamentablemente aki na Aruba no ta tur hende sa di henter e historia aki. Berdad ta cu na scol a siña di bashan carpata y Tula na scol basico, pero te awe ainda tin hende ta bisa cu nan no conoce e historia aki unda cu nan no sa di sclavitud , pero ta hopi importante pa nos ta na altura di henter e storia aki sino nos no sa unda nos tin cu bay como Pais .
