Discusion di Landsverordening Aruba Tijdelijk Financieel Toezicht (LAFT) y Rijkswet Aruba financieel toezicht (RAft) ta un discusion cu tin den comunidad actualmente. Rond di e dos leynan aki tin hopi politica ta wordo hunga, tanto na Hulanda y na Aruba.
Sinembargo Hulanda ta hunga e politica cu un meta pa por logra haya Aruba bek bao di su poder y na Aruba politiconan cu no ta tuma e mensahenan aki serio manda for di Hulanda ta haci politica barata sea ta pa nan ta popular of nan no ta stima e pais aki, pero nan propio saco. Na final na tur e weganan politico cu ta ser hunga cu e manipulacion di no trece e berdad y e realidad padilanti ta bruha un comunidad pa propio ego y na final e consecuencianan nos tur lo biba esaki unda cu Pais Aruba ta perde y e rasa Arubiano lo perde su propio pais.
Minister di finansas Xiomara Maduro den un entrevista ta indica cu ta lamenta loke cu staatsecretaris Alexandra Van Huffelen a duna di conoce, cu ta un propuesta Aruba tin cu Hulanda , sinembargo tabatin tres propuesta riba mesa cu Hulanda. E declaracion cu Van Huffelen haci a trece hopi turbulencia na Aruba unda cu e declaracion haci a wordo interpreta na Aruba cu Prome Minister Evelyn Wever Croes ta gaña. E situacion aki ta di lamenta y mas ainda, nos mes como Arubiano no ta para tras di nos mes un Arubiano pa e logronan y trabaonan duro cu ta wordo haci pa Aruba, pero ta scucha di un stranhero y apoya e stranhero riba nos como Arubiano cu ta lucha pa nos mes y futuro generacionnan cu ta na caminda y cu ta biba riba e pida baranca aki.
Sin pensa riba kico ta e consecuencianan, na momento cu ta apoya Hulandesnan riba nos mes un hendenan, riba nos pais. Nos kier kere esun cu ta papia Hulandes y bagatelisa e profesional Arubiano cu ta di bo propio pais y cu ta papia papiamento y cu ta pone Hulanda para keto na momento cu nan ta kere cu kier bin dicidi den nos cas. Pa minister di finansas Xiomara Maduro Aruba su pensamento ta hopi robes.
Ta increibel pa pensa y pa kere cu nos propio Arubiano nan ta bagatelisa e trabao grandi cu Prome Minister Evelyn Wever Croes a haci. Papia su malo papia su bon, pero e Prome minister Evelyn Wever Croes a maneha Aruba den e pandemia di mas grandi cu ta existi na mundo y a percura pa ta para eynan pa pueblo di Aruba, tuma decisionnan grandi pa Aruba unda cu awe nos ta manera cu nos por ta awe na Aruba na e momentonan aki cu nos economia a bin bek. Den tipo di casonan asina ta hopi presion tabata bin di tur caminda y te ainda tin hopi presion. Nos como Arubiano mester mira e logronan aki, sa e berdad y para un rato keto puntra bo mes si dado caso e decisionnan cu a wordo tuma diferente awe nos ta manera nos ta como pais y ciudadanonan trankil bibando na Aruba.