Riba e caminda principal di aeropuerto pa hotelnan ta e prome bista cu turistanan lo mester mira di Aruba. Den e ultimo dia nan aki por a tuma nota cu e limpiesa nan ta tumando luga y tambe ya caba e renobacion di e caminda a tuma luga.
Importante ta cu e impresion cu mester duna como un pais limpi y ordena ta na su luga. Por a tuma nota di un team completo di esunnan cu ta traha cu DOW haciendo nos palonan di coco cu ta nos palonan original di Aruba cu ta ilustra Caribe y cu ta identifica nos na Aruba, Sigur un prome bista di producto Aruba y identidad. Palonan di coco cu ta identifica Caribe, identifica nos.
Lamentablemente cu hopi di e tipo di palonan a keda kita den pasado, pero loke cu tin nos tur por disfruta di nan riba e parti principal aki di caminda cu ta rumbo pa e hotelnan. Sinembargo loke cu ta di lamenta cu identidad di Aruba a bay hopi atras na momento cu a trata di mericanisa Aruba y nos ta pagando pa palonan di mata cu ta costa hopi miyon siendo nos tin nos propio palonan cu na crece aki na Aruba. Awe nos ta pagando hasta esaki y e ta forma parti di e debe innecesario cu politiconan den pasado a pone nos den dje.
Aruba a perde hopi di loke ta su producto original, porehempel nos tur cu ta biba riba e pida baranca aki mester y ta pagando pa palonan grandi di mata cu e keda poni den caya principal y rond di Aruba cu no ta nace aki y no ta nos identidad como pais y na mes momento a mata e desaroyo y mata e identidad di e pais, por bula ariba por cay abao nos ta un isla den Caribe cu nos hunto mester keda proteha nos identidad y nos cultura un turista no ta bin na un pais den Caribe mericanisa, pero pa bin conoce un pais cu su pianan na tera y cu tin su mes un productonan y identidad como pais. Un bunita trabao por a mira riba accion y proceso di cuido pa nos matanan original di Aruba cu ta identifica nos como e Arubiano y Aruba.
1 comment
[…] Source link […]