Parlamentario Guendell Mercelina Jr ta parlamentario pa partido nacional di pueblo na Corsou. E ta vice lider di fraccion y alabes ta presidente di comision di desaroyo economico y vice presidente di comision di husticia. Tambe ta co fundador di observatorio parlamentario pa cambio di clima y transicion energetico.
Pa loke ta trata e topico di cambio di clima ta mira cu den nos region ta uno cu no ta biba hopi. Pesey mes ta un parti cu ta exigi mas conscientisacion. Na e momentonan aki tin un stagere mester traha un advies rapport riba e cuadro di conscientisacion riba clima den region.
E parti aki ta hopi importante debi cu a introduci na parlamento di Corsou pa stagerenan yuda den e procesonan den parlamento. Den nos parlamentonan Caribense manera nos tur conoce esaki no ta sosode, pero Corsou ta kere cu nos studiantenan por yuda nos pais bay hopi bon padilanti.
E stagere actual lo bay investiga y lo mester introduci kico por haci riba hermentnan pa cu e conscientisacion di nos hendenan. Na momento cu ta papia riba cambio di clima climatico nos tin un tendencia ta pensa cu e ta leu di nos pero nos mester ta mas consciente cu global warning ta afecta nos tur.
Por mira con cayente e pais nan den Caribe ta bira. Sinembargo na momento cu mester mira e impacto di global warning por mira cu e nivel di awa ta subi e islanan por perde cierto camindanan y teranan. E desaroyo di topico di cambio di clima ta birando hopi mas importante, pero pa nos aki den e region di Caribe no ta tuma e cambionan aki hopi na serio. Nos por mira cuanto daño ta wordo haci na nos infrastructura y cu tur ora ta dies kere cu ta buraconan , pero no ta pensa cu ta e cambio di clima ta haci esaki.
Segun Parlamentario Guendell Mercelina Jr algo cu mester tene cuenta na dje ta e forma cu awasero ta cayendo. Awor tin un temporada di hopi secura, pero tin e temporada cu e awa ta bira storm y cu tin inundacionnan. Esaki ta situacionnan cu ta pasando hopi mas frecuente rond di nos. Lamentablemente nos di e islanan den Caribe ta considera nos mes pafo di e circulo di horcan pero e realidad ta cu poco poco e horcannan ta biniendo hopi mas cerca y esaki ta pone cu no tin distincion riba e cuadro aki.
E islanan den Caribe mester cuminsa prepara y forma nos comunidad pa hasta entre otro proteha nos infrastructura. Si mester tuma ehempel di Boneiro, ultimamente cu e investigacion y e rapport di greenpeace.
Debi cu Boneiro a bira BES cu ta un bezonderegemeente di Hulanda nan a haya cu greenpeace a haci un investigacion y den e cuadro ey a splica cu si e desaroyo di mundo sigui manera cu e ta a saca afo cuanto porciento di Boneiro lo keda y e resultado tabata cu solamente 20% di e isla lo keda debi cu tur cos lo bay bou di awa. Parlamentario Guendell Mercelina Jr di Corsou ta kere cu mester percura pa cana dilanti y traha maneho cu por keda ehecuta den proteccion di bo comunidad, hasta si e comunidad no ta compronde e momento ey pero si pa keda educa e comunidad di kico ta e direccion cu mundo ta bayendo.
Na momento cu mester mira con e desaroyo den politica no leu for di nos cu ta Merca unda cu Donald Trump cu ta bisa cu mester sali for di e Paris agreement unda cu no kier forma parti riba e desaroyonan pa yega na e metanan pa por mitiga e efectonan di cambio di clima. Sinembargo por mira tambe Jair Bolsonaro na Brazil y tambe Wilders na Hulanda ta desaroyonan cu mester tene bon cuenta cu ne unda cu mester mitiga e efectonan di cambionan di clima. Aunke hopi di nos no ta mire e efecto di cambio di clima tin efecto riba nos salubridad,desaroyo social di nos hendenan. Tur cos ta mustra leu pero e situacionnan ta mas cerca di loke cu nos ta pensa.
