Ta cumbini nos pa tur momento consulta Dios, prome cu nos haci algo y no depende riba nos propio forsa, nos mester reconoce Dios , den tur locual nos ta haci pa asina Dios guia nos pasonan y tur cos lo bay nos bon.
Ora nos ta pidi Dios algo , nos mester pidi cu Fe pasobra sin Fe ta imposibel agrada Dios.
Den bida nos mester di sabiduria puro, cual ta habri porta pa nos y esey ta bini solamente di Dios.
Ma si cualkier di boso falta sabiduria lage pidi Dios,kende ta duna na tur hende generosamente, y sin
reproche,y esaki lo wordo duna na dje. Ma lage pidi den fe sin ningun duda, pasobra esun cu ta duda ta
manera ola di laman, cu ta wordo lastra y tira door di biento.
Pasobra no laga un hende ey spera cu e lo ricibi algo di Señor, siendo un hende di curason dobbel,
inconstante den tur su camindanan.( Santiago 1:5-8).
Ta bon pa nos tuma e bon ehempel di esnan cu a mantene nan fe, depende y obedece Dios.
Noe a mantene su fe y a obedece Dios y a traha e Arca y asina e cu su famia y tur animal cu Dios a
bise a scapa for di diluvio.( Genesis 7:1-5).
Abraham a mantene su fe y depende di Dios y Dios a dune un yiu cu nobenta y nuebe anja, edad den
cual awendia hende no ta papia di yiu mas, despues di morto di Sara ta para scirbi den( Genesis 25) cu Abraham a tuma otro esposa cu yama Ketura y tabatin seis yiu mas.
David a obedece y depende completamente riba Dios, y a derota e gigante Goliat, locual Saul cu
henter su ehercito no por a haci ( 1 Samuel 17:45-50).
Ana a depende y pone su fe den Dios, y Señor a habri su matris y dune un yiu cu yama Samuel( 1
Samuel 1:20).
Daniel a pone su fe, obedece y depende di Dios, y a wordo tira den cueba di leon, y Dios a manda un
angel pa cera boca di e leonnan.( Daniel 6:21-22). Maria a pone su fe y a obedece y depende riba Dios, y asina nos Salbador Hesus a bini na mundo. Maria a bisa: Ata e sirbido di Señor: Laga sosode cu mi segun bo palabra.( Lucas 1:38).
Pesey den Lucas 1:46-56 Maria ta ofrece un cantica di Alabansa y Gradicimento na Señor.
Hairo a pone su fe y a obedece Hesus, y maske su hendenan di cas a bin bise, cu su yiu a muri, e a
kere den Hesus, y asina su yiu a wordo sana ( Marco 5:40-42).
Pedro a pone su fe y dependencia riba Hesus y a bisa Hesus :Señor si ta Abo ordenami bini serca bo
riba awa, y Hesus a bisa: Bin,Y Pedro a sali for di e boto y cana riba awa bay serca Hesus.( Mateo
14:28-29).
Pedro y Juan a pone nan fe y depende totalmente riba Dios a bisa e homber paralitico for di den barica di su mama, Plata y Oro mi no tin, ma loke mi tin mi ta duna bo : Den e nomber di Hesus Cristo di
Nazaret, cana.Y e a cohe na su man drechi y lante y mesora su pianan y su enkelnan a haña forsa.
Ta tempo pa nos tur recconoce cu den e nomber di Cristo Hesus tin poder, y cu nos tur mester entrega nos bida na Cristo Hesus pa asina nos ta salba, y alcansa bida eterna.( Juan 3:16-18).
Sinceramente,Pastor Marcel Balootje.
1 comment
[…] Source link […]