Dia 28 di September ta Dia Internacional na acceso universal di informacion. E aña aki Aruba ta desvela e website Coleccion Aruba y UNESCO Aruba ta haci diferente proyecto cu diferente di nan stakeholdernan. Mundialmente tambe esaki ta wordo celebra door di Nacionnan Uni como cu acceso liber na informacion ta un derecho cu nos tin como persona di tur edad.
Reconociendo e importancia di acceso na informacion, e 74th Asamblea General di Nacionnan Uni a proclama 28 di September como Dia Internacional pa Acceso Universal na Informacion (IDUAI) na Nivel di Nacionnan Uni na October 2019. E dia a keda proclama pa e Conferencia General di UNESCO na 2015, despues di adopcion di Resolution 38 c / 57 cu a declara 28 di September di cada aña como Dia Internacional pa Acceso Universal na Informacion (IDUAI).
UNESCO ta duna un plataforma y un marco pa tur interesa pa participa den debatenan internacional riba politicanan di acesso na informacion den e erea digital, ya cu e ta empodera hende, ta permiti tuma desicionnan informa, ta fomenta innovacion y ta promove inclusion den progreso social.
Conferencia Mundial di Acceso Universal na Informacion 2023
E aña aki, Dia Internacional pa Acesso Universal na Informacion lo enfoca riba e importancia di espacio online pa acceso na Informacion.
E celebracion mundial lo tuma lugar na Oxford, Reino Uni, riba 28 di September 2023. E sesion di apertura lo ser sigui pa e mesa rondo di nivel halto, y lo discuti aceso na informacion y interrupcion di Internet den contexto di e Declaracion di Viena adopta na e Conferencia Mundial di Derechonan Humano.
Un serie di tres panel lo enfoca riba accesibilidad y conectividad na Internet; e rol di gobiernonan, poder hudicial y comisionadonan di informacion pa garantiza e funcion corecto di Internet como abilitador di e derecho na informacion y otro derechonan humano; asina como e necesidad di cooperacion internacional den e campo di fortalecimento di acceso na informacion pa derechonan humano y logro di e obhetivonan di Agenda 2030.
Inteligencia artificial, gobernacion electronico y aceso na informacion
Inteligencia artificial y gobernacion electronico por hunga un rol importante den mehoracion di aceso na informacion den nos mundo digital. Nan por yuda reduci e diferencia digital, dunando ciudadanonan acceso na informacion accesibel y na medida. Nan por sigura servicionan cu ta mas eficiente. Hende por haya informacion y servicionan di sector publico casi inmediatamente. Haci servicionan di gobierno digital pa mehora transparencia y accesibilidad.
Sinembargo, e desaroyonan aki ta lanta preguntanan tambe riba derechonan fundamental y uso di Inteligencia Artificial y gobernacion electronico door di e institucionnan publico. Como cu Inteligencia Artificial ta usa datonan di ciudadanonan, con nos ta proteha privacidad di ciudadanonan? Pasobra Inteligencia Artificial por determina ki informacion nos ta accede na dje, ki principionan etico esaki ta determina?
E edicion di 2023 di Dia Internacional pa Acceso Universal na Informacion (IDUAI) lo ta un oportunidad pa discuti riba gobernacion electronico y Inteligencia Artificial cu e meta di garantiza e Derecho pa accede informacion. E tema lo permiti discusionnan riba e beneficionan y risiconan di gobernacion electronico y Inteligencia Artificial. Tambe lo discuti hermentnan practico y ‘best practices’, specialmente prome cu presentacion di guia di maneho pa informacion pa sector publico y un declaracion cu lo afirma e derecho na informacion den e contexto di e principionan di Bon Gobernacion.
Hende informa por tuma desicionnan informa, por ehempel ora nan bay vota. Ta solamente ora e ciudadano sa con nan ta goberna, nan por responsabiliza nan gobiernonan pa nan decisionnan y accionnan. Informacion ta poder. Asina, acceso universal na informacion ta un piedra principal di sociedadnan di conocimento saludabel y inclusivo.
Acesso universal na informacion ta implica cu tur persona tin derecho di busca, recibi y divulga informacion. E derecho aki ta forma parti integral di e derecho di libertad di expresion. E medionan di comunicacion ta hunga un rol crucial den informa publico riba topiconan di interes, pero tambe e ta depende di e abilidad pa busca y ricibi informacion. Asina, e derecho di acceso universal na informacion tambe ta vincula cu e derecho na libertad di prensa.
E historia
Dia 17 di November 2015, e Organizacion di Nacionnan Uni pa Educacion, Ciencia y Cultura (UNESCO) a declara 28 di September como Dia Internacional pa Acesso Universal na Informacion. Considerando cu varios organisacion di sociedad civil y organismonan gubernamental rond mundo a adopta y celebra e observacion aki, e Asamblea General di ONU tambe a adopta 28 di September 2019 como Dia Internacional pa Acceso Universal na Informacion.
UNESCO y su programanan intergubernamental – e Programa Internacional pa Desaroyo di Comunicacion y di Informacion pa Tur Programa – ta duna un plataforma y un cuadro pa tur interesa participa den e debatenan internacional riba politica y guia den e campo di acesso na informacion. E dos programanan ta permiti tambe un ambiente positivo pa desaroyo di proyectonan cu ta enfoca riba fortalecimento di ciencia habri, multilingüismo, ICT pa discapacitanan y marginal, y alfabetisacion y informativo di media.
E dia aki tambe ta forma pa riba e dia aki unda nos na Aruba mester lanta para y wak con nos derecho na informacion ta wordo apoya y ki tipo di informacion ta accesible na nos persona. Pa hiba nos derecho dilanti pa nos haya e informacion corecto y necesario.
