Na Santa Teresita Center a tuma luga un anochi di informacion. Esaki ta e di dos edicion di proyecto “ cana hunto cu mi “ cu a keda organisa pa departamento di asuntonan social hunto cu e parteranan den e mundo social. Riba e anochi aki tabatin dos orador un di nan ta di centro di memoria y tambe grandi hunto hunto grandi.
E anochi tabata uno tremendo unda cu tabatin un sala completamente yen unda cu personanan di San Nicolas pero tambe di e otro barionan a presenta pa haya informacion. E presentacion tabata uno interactivo unda cu pueblo tabata por a haci nan pregunta riba e topico di Alzheimer.
Tin varios pregunta cu keda treci padilanti, un di nan sigur ta e señalnan cu mester tene cuenta cu ne pa sa cu e persona tin Alzheimer y cu ta forma un preocupacion. Tambe hopi ta e pregunta ki ora ta e momento cu mester acerca un centro di memoria. Kico mester haci pa por drenta SABA . Tambe tabatin preocupacionnan di con yiunan por haci pa motiva nan mayornan cu rem af e proceso di demencia un poco.
Miriam Illidge trahado social na departamento di asuntonan social ta sumamente contento y satisfecho cu e pueblo a acudi na e anochi di informacion aki. E proximo nochi di informacion lo ta bay ta den area di playa y ta spera cu e ta mes exitoso cu esun di Paradera y di San Nicolas. Esun na playa lo ta dia 19 di April , pero ainda no tin un localidad cu a boek , pero den transcurso di siman nan lo avisa esaki.
Segun Miriam Illidge trahado social na departamento di asuntonan social na final di cada anochi ta parti un formulario di informacion unda cu e participantenan por duna nan comentario di kico mas nan ta desea y kico nan ta haya cu mester wordo drecha. Abase di e formularionan yena ta bin cu tematicanan, pero e intencion ta mira kico ta e problematicanan cu ta encontra den nos pueblo pa asina atende cu e topiconan aki y trece e toolsnan pa yuda e personanan cu no tin e yudansa of informacionnan necesario.
Departamento di asuntonan social kier traha mas pro activo y no kier warda pa e problema yega socialezaken pero kier sali eyfo pa brinda e pueblo e oportunidad pa haya informacion corecto.
Miriam Illidge trahado social na departamento di asuntonan social ta sumamente contento y ta super orguyoso di su team. Hopi biaha e boluntad t’ey y ta organisa nochi nan di informacion , pero hopi biaha e hende nan no ta yega , pero awor ta mira un diferencia y ta mira cu e comunidad kier y mester di informacion y guia, esaki sigur ta importante y bon pa e pueblo di Aruba. Alabes
Miriam Illidge ta gradici prensa cu tambe ta aporta pa e mensahe yega pe e pueblo por presenta.
