No tin un ley cla ainda y tampoco parlamento no a haya ningun concepto di ley ainda pa mira y mirando cu e decision cu minister a tuma lo bay haci un cambio drastico riba e ley , lider di fraccion di MEP Hendrik Tevreden ta kere cu no por papia di un ley ter inzage, no por papia di trece cambionan antisipa, pero ta kere cu e forma corecto ta pa haci e proceso manera mester ta unda cu mester informa , dialoga cu parlamento sea cu e ta atrabes di un comision of si e ta atrabes di un reunion publico con cu kier hacie, pero e punto ta cu minister mester informa parlamento splica kico ta e cambio di ley, pero tambe informa stakeholders y splica nan cu ta bay bin un cambio di ley, atende cu nan y naturalmente nan tambe ta bay tin nan puntonan y asina por dialoga ,intercambia y kisas yega na un punto , pero tambe kisas por keda leu for di otro pero tanten por haci esaki na un moda cu nan tur ta consciente y ta na altura di tur loke ta e cambio nan cu ta bin pa nan.
Fraccion di MEP ta haci e peticion na minister Ursell Arends pa e honra e carta cu fraccion di MEP a manda como fraccion di MEP pa porfabor cana e proceso debidamente, wanta e dialogo habri pa cu stakeholders y percura pa atende cu e bendemento di permiso di taxi stop. Actualmente e minister finalmente ta dicidi si ta duna e permiso of no ta duna e permiso. E landsverordering ta bisa cu e minister ta esun cu ta firma final na momento cu e ta haya tur su consehonan y den esaki tambe kier pidi e mandatario pa continua riba e direccion di percura pa e permiso cu bendemento di permiso stop, percura pa logra pa evita cu esaki ta continua y esunnan cu sigui bay den e direccion pa bende permiso di taxi nan tin cu sinti full e peso di locual ta e landsverordering ta para pe cu ta contra di leyesnan cu ta haci cosnan contra di ley mester sinti tambe full e peso di ley riba esaki.