Y esaki ta e plan di redencion den Cristo Hesus: Pasobra Dios a stima mundo asina tanto cu E a duna
Su Yiu unigenito, pa ken cu kere den dj’E no bay perdi ma tin bida eterno.
Ora un mucha caba di nace e no por kere ainda, ta ora e bira grandi cu e por scohe pa su mes e por
kere tambe. Pesey ta un trabao sagrado cu nos como mayor tin pa haci tur locual ta posibel pa trece
nos yuinan na Cristo Hesus.
Pasobra Cristo Hesus ta e unico speransa cu tur ser humano tin pa drenta den reino di Dios, pasobra ta
para scirbi Juan 3:3 Hesus a bisa: Di berdad, di berdad Mi ta bisa bo si un hende no nace di nobo, e no
por mira e reino di Dios.
E situacion ta critico, hopi hende ta rechasa, y no kier reconoce Hesus como Señor y Salbador, tin hopi
tin Hesus como algo cu ora mi tin mester di dj’E mi ta grita ay Dios, y E ta bin na mi ayudo.Pero no ta
asina Cristo Hesus mester ocupa e prome lugar den nos bida.Cristianismo ta un bida entrega na Dios.
Tin hopi aviso pa nos tur pa nos tene cuenta cu e plan di redencion di Dios, den Cristo Hesus:
*Juan 8:24 ta para scirbi: Pesey mi ta bisa boso, cu boso lo muri den boso picanan, pasobra si boso no
a kere cu Ami t’e, boso lo muri den boso picanan.
*Ken cu ta kere cu Hesus ta e Cristo ta naci di Dios,y ken cu ta stima e Tata , ta stima e Yiu naci di
dj’E.
Pasobra tur loke ta naci di Dios ta vence mundo. Y esaki ta e victoria cu a vence mundo, nos Fe.
Y ken ta esun cu a vence mundo,si no ta esun cu ta kere cu Hesus ta e Yiu di Dios.( 1 Juan 5:1,4-5).
*No straña boso di esaki, e ora lo yega den cual tur cu ta den graf lo tende Su bos y lo sali , esnan cu a
haci bon, pa resureccion di bida,esnan cu a comete maldad pa resureccion di huicio.( Juan 5:28-29).
*Ma pa motibo di bo capricho, y bo curason cu no ta arepenti, bo ta montona furia pa bo mes den e dia
di furia y revelacion di e huicio husto di Dios.
Kende lo paga kada ken segun su obranan, na esnan cu perserverando den hacimento di bon ta busca
gloria honor y inmortalidad, bida eterno, ma na esnan cu ta busca nan propio interes so, y no ta
obedece e berdad , ma ta obedece inhusticia. Furia y indignacion, lo tin tribulacion y angustia pa cada
alma cu haci maldad. (Romanonan 2 :5-6-8-9).
*Esun cu ta kere den dj’E no ta condena, esun cu no ta kere,ta condena caba, pasobra e no a kere den e
nomber di e Yiu unigenito di Dios. Y esaki ta e condenacion, cu e lus a bin den e mundo,y hende
tabata stima scuridad mas cu e lus, pasobra nan hechonan tabata malo.( Juan 3:18-19).
Pa duna pago mereci na esnan cu no conoce Dios, y na esnan cu no ta obedece e evangelio di nos
Señor Hesus Cristo. Y esaki nan lo paga e castigo di perdicion eterno, leu for di e presencia di Señor y
di e gloria di Su poder.( 2 Thesalonisensenan 1:8-9).
Mientras tin tempo laga nos arepenti, confesa y aparta di tur maldad.
Sinceramente, Pastor Marcel Balootje.
