Dios ta odia mentira, pasobra mentira a trece pica na mundo, y hopi cu ta bay tras di mentira, ta
rechasa palabra Dios y ta cay den e pos di scuridad.
Hopi biaha hende ta pensa cu nan por usa un mentira pa plakia cos, usando un promesa mentiroso,
sabiendo masha bon cu nan no ta den e berdad, purba trankilisa hende cu un mentira, pero ora e berdad
sali na cla, hende lo rabia, enbes di hari , pasobra mentira semper a perhudica hende.
Ora nos lanta nos yuinan for di chikito den un bida di mentira, bibando na un estilo grandi cu nos no
por alcansa, nos lo cosecha dolor, pasobra e muchanan ey lo yega hasta na inmoralidad y ladronicia,
pa nan por logra locual cu nan kier pasobra ta esey nan a siña serca nan mayornan.
Un mentira ta trece otro mentira pa cubri esun di ayera, y asina e asunto ta sigi avansa te na e
momento cu bo wordo descubri, of bo mes descubri bo mes, pasobra Dios no ta laga hende haci bofon
di dje.
Lipnan mentiroso ta un abominacion pa Señor,ma esnan cu ta trata cu fieldad ta Su
delicia.(Proverbionan 12:22).
Un testigo falso no ta keda sin castigo , y esun cu ta papia mentira no ta scapa.(Proverbionan 19:5).
Un testigo falso lo no keda sin castigo, y esun cu ta papia mentira lo perese.( Proverbionan 19:9).
Tene cuenta cu mentira ta bini for di e tata di mentira cu ta satanas, ora hende ta papia mentira nan ta
obedece e tata di mentira, pasobra mentira no ta obra pa bon den ningun caso, pasobra mentira no ta
den e boluntad di Dios.
Mentira kier domina mundo, y hopi hende ta sirbi mentira y ta biba un bida di mentira, pasobra nan ta
bao di dominio di e tata di mentira, pero Cristo Hesus ta e caminda e berdad y e bida, pesey ni un
hende por yega serca e Tata sino ta pa medio di Cristo Hesus.
Dios su palabra ta atverti nos cu e mentiroso lo no hereda e reino di Dios, pasobra mentira ta
totalmente carnal, hende cu ta depende riba mentira ta biba den carni.
Revelacion 21: 8 ta para scirbi Ma e cobardenan y e incredulonan, y e abominabel,y e matadornan,y e
fornicadornan,y e hacidornan di bruha,y e adoradornan di Dios falso,y tur gañado nan parti lo ta den e
lago cu ta kima cu candela y zwafel, cual ta e di dos morto.
Cuanto matrimonio y famia , mentira no a destrui, cuanto biaha mentira no a conduci na violencia y
hasta a causa morto.Cuanto hende no ta biba bao di caba di mentira, trociendo e berdad, of mihor bisa
a cambia e berdad di Dios pa un mentira.
Cuanto mentira no ta legalisa awendia, y ta wordo apoya tur momento, pa asina logra cu hende ta
permanece den scuridad y ta aparta for di e lus di Dios, asina peligroso mentira ta.
Esun cu ta practica engaño lo no biba den mi cas,esun cu ta papia mentira,lo no keda para den mi
presencia.( Salmo 101:7).
Pesey poniendo mentira un banda,cada un di boso papia berdad cu su prohimo,pasobra nos ta miembro
di otro.( Efesionan 4:25).
Pasobra: Laga esun cu kier stima bida,y mira dianan bon,frena su lenga di loke ta maldad y su lipmam
di papia engaño.lage aparta su mes di maldad y haci bon, lage busca pas y siguie,( 1 Pedro 3:10-11).
Mentira y Engaño nunca a drecha ningun asunto,y no tin bendicion den dje, pesey nos mester aparta
for di dje,
Sinceramente, Pastor Marcel Balootje.
