Rumornan, sensacionalismo y of mal informacion na comunidad pa baha un minister pa bay parlamento no ta cuadra cu berdad. Den e ultimo simannan cu a sali na cla cu parlamentario Setty Yarzagaray a haya problema cu su salud, parlamento di Aruba ta duna e proceso su espacio pa duna parlamentario Yarzagaray tur tempo cu e tin mester pa por recupera.
Sinembargo no ta prome parlamentario cu ta haya nan mes cu problema sea ta di salud of otro situacion personal. Den tipo di casonan asina Parlamento di Aruba ta duna e persona e espacio cu e tin mester.
Den e mes un situacion aki den pasado parlamentario Micheal Lampe cu tabata parlamentario di AVP a keda practicamente 8 luna den exterior pa malesa di su yiu y parlamento no a haci un polemica di dje y parlamento a duna e parlamentario e espacio mereci pa atende e malesa di su yiu.
Tambe parlamentario Benny Sevinger cu practicamente no ta den parlamento mes, pero ta mas tanto na Hulanda y Merca, pero e reunionnan den parlamento ta sigui.
Tambe Marisol Lopez Tromp den reunion 11 y 12 no tabata presente debi cu e tabatin un malesa y parlamento no tabatin corum y e reunionnan sigui normal, pero a duna e parlamentario e espacio pa e por recupera y bolbe bek den parlamento.
Sinembargo e punto di salida ta cu ta atende cu corum den parlamento y ta 21 parlamentario ta inscribi den parlamento y tur 21 ta cobra nan salario pa traha. Esaki ta significa cu na momento cu un reunion wordo yama e reunionnan por sigui y e proceso por sigui. Sinembargo tambe ta sinti cu e unico molester ta cu si un ley di gobierno cu mester pasa y si tur 21 tey e ta bira un poco mas dificil si no tin e 11, pero pa procesonan pa pasa ley , OB of cualkier proceso di otro reunion den parlamento cu mester sosode nada no a cambia. Cada ken mester para pa nan responsabilidad nan.
Hende ta humano y tur hende por haya nan mes den un situacion y parlamento mester por duna cada parlamentario, nan espacio pa recupera pa por ta bek den parlamento.
Tin un ley di BBO na frontera cu mester yega parlamento, pero ta keda na consenshi di cada parlamentario di Aruba pa para tras di e ley aki pa Aruba sigui progresa of e parlamentario ta scoge pa hinca Aruba den un situacion mas delicado cu e ta, cu mañan e consecuencia cu nos mes ta sufri di dje. Esunnan cu ta willing pa sostene e ley e lo pasa cu 11.
E reunion lo keda yama pero dos cos por pasa, sea e ley ta keda pega na 10-10 si tur tey y tur vota of e ley ta pasa paso tin parlamentarionan cu ta bay cu vakantie trempan y asina mes e ley por pasa,Segun presidente di parlamento Edgar Vrolijk tin hopi cuadronan cu e ley por pasa y pa yama un reunion e lo mester sigui normalmente.
Parlamento di Aruba den e caso aki di parlamentario Setty Yarzagaray ta duna e parlamentario su respet y espacio na prome luga, pa su trabaonan cu e la bin ta haciendo den parlamento y ta un di e parlamentario nan mas prepara den cifra y ta debati den un nivel y ta haci su trabao debidamente y merecidamente ta duna parlamentario Setty Yarzagaray su espacio pa recupera su salud. E proceso aki ta mes un cos cu a ser duna na parlamentario Micheal Lampe di AVP y Marisol Tromp.
Presidente di parlamento Edgar Vrolijk ta kere firmemente cu tur cos lo sigui bon cu parlamentario Setty Yarzagaray y cu e lo ta pronto den parlamento. Na e momentonan aki no tin ningun reunion y ningun anticipacion di cambionan, pero ta focus y ta kere y confia cu parlamentario Setty Yarzagaray lo ta pronto bek den parlamento. Sinembargo mester bisa cu e recuperacion di parlamentario Setty Yarzagaray ta bayendo den bon direccion.
Awe den oranan di atardi lo tin oracion na kapel di altovista pa Parlamentario Setty Yarzagaray. E parlamentario ta uno hopi stima den parlamento y ta kere cu DIOS ta obra bon y lo dune su salud pa e ta bek, esaki ta e punto di bista na e momentonan aki pa parlamento di Aruba.
Click aki bao like y share 👇🏽
1 comment
[…] Source link […]