Kolegio Ehekutivo ta partisipá ku no tin adaptashon di preis di kombustibel den luna di mei. Esaki ta pa motibu di falta di e preisnan di kompra real pa luna di mei. Pa e motibu akí e dekreto insular di 13 di aprel 2023, nr 1, indiká komo Dekreto di preis di produkto di petrolio Boneiru aprel 2023 (AB 2023, nr 10), ta keda na vigor den luna di mei. E siguiente adaptashon di preis di kombustibel ta dia 9 di yüni 2023.
Den e adaptashon di preis akí a apliká e preskripshonnan di e Dekreto Temporal di 25 di mart 2022 tokante redukshon di akseins Hulanda Karibense 2022, nr. 2022-104414 (Staatscourant Nr. 8683 di 28 di mart 2022) i tambe e Lei di 21 di desèmber 2022 pa kambio di algun lei di impuesto i algun otro lei (Plan di Impuesto 2023) (Staatsblad 532).
Te ku 1 di aprel 2022 e tarifa di akseins pa gasolin (MOGAS95) tabata USD 31,86 sèn pa hèktoliter. Segun e preskripshonnan menshoná akí riba e tarifa di akseins pa gasolin (MOGAS95) ta USD 15,86 sèn pa hèktoliter pa e periodo di 1 di aprel 2022 te ku 30 di yüni 2023.
Relashoná ku loke tin menshoná akí riba, e preisnan di benta pa kombustibel di dia 14 di aprel 2023 ta keda aplikabel:
| Preis por detayista | Preis por mayor | ||||
| Mogas 95 | 144.00 | USDcent/ltr | Mogas 95 | 136.74 | USDcent/ltr |
| Kerosine | 105.00 | USDcent/ltr | Kerosine | 102.00 | USDcent/ltr |
| Gasòil | 104.00 | USDcent/ltr | Gasòil | 100.65 | USDcent/ltr |
| LPG 100 lbs | 56.00 | USD/cyl | LPG 100 lbs | 49.79 | USD/cyl |
| LPG 20 lbs | 12.00 | USD/cyl | LPG 20 lbs | 10.31 | USD/cyl |
Splikashon di e komponentenan di e tarifanan
| Komponente | Splikashon |
| Preis di kompra | Preis di kompra pa Curoil |
| Márgen di Curoil NV | Márgen di Curoil pa gastu di almasenahe i transbordo di Kòrsou pa Boneiru |
| Gastu di transporte CUR-BON | Gastu di Curoil pa transporte di Kòrsou pa Boneiru |
| Fuel supply guarantee | Provishon pa motibu di gastunan operashonnan di refineria na Kòrsou |
| Fuel supply guarantee2 | Provishon pa motibu di gastunan operashonnan di refineria na Kòrsou |
| Preis di kompra BON | E komponentenan menshoná akí riba kontá huntu |
| Márgen di Curoil | Márgen di Curoil pa distribushon di kombustibel na Boneiru |
| Akseins | Akseins |
| ABB | ABB |
| Márgen di OTB | Pago na e kompania di gobièrnu OTB |
| Faktor di korekshon | Faktor pa deskontá diferensia entre kalkulashon i realisashon di preis di kompra |
| Preis di benta por mayor | E komponentenan menshoná akí riba kontá huntu |
| Márgen di rebendedó | Márgen di doñonan di pòmp pa benta di kombustibel na Boneiru |
| Preis di benta por menor | E komponentenan menshoná akí riba kontá huntu |