Kico mas activistanan ambiental kier,A ricibi famia Real cu mahos bista di candela intencional riba dump. Ta sumamente lamentabel loke a pasa awe na yegada di famia Real. Na momento cu nan avion tabata direccion aeropuerto di Aruba, nan a wordo ricibi cu e vlam y huma di candela riba dump bieu na Parkietenbos.
E acto aki tabata un forma di protesta di activista(nan) di medio ambiente pa loke ta e maneho di sushi aki na Aruba. Un acto sumamente lamentabel y cuestionanbel. Tur hende tin derecho pa expresa nan opinion pero e ta demostra cu un biaha mas cu nos ta sumamente madura pa bringa y lucha pa nos mesun asuntonan internamente. A haya tur atencion nesesario di gobernantenan local y di Hulanda, pero loke ta un realidad tambe no ta awe pa mayan ta haci cambio paso nan como activista a bin ta protesta, cada paso tin nan procedura y mester duna chance pa esaki cana su caminda manera mester ta.
Tambe por a mira un carta cu un activista di Parkietenbos Anouk Balentina a manda pa Su Mahestad Rey Willem Alexander.
Ora cu lesa den e carta aki e parti di dump, e pregunta ta surgi kico mas e activista aki kier. Of e lo tin un otro agenda pa cumpli cu ne. El a hiba diferente reunion, a papia cu diferente mandatario y instancianan local. Inclusive, el a papia cu Ministernan Hulandes cu a bishita Aruba, of a manda carta pa nan. A scuch’e y Gobierno a tuma e curashi pa cera portanan di dump. Dia 31 di december ultimo dump di Parkietenbos a pasa pa pasado.
Y desde e prome dia e aña’ki tin otro solucion, unda inclusive e sushinan di cas por entrega di un forma gratis na cierto puntonan. Pero esaki tampoco ta bon pa e ciudadano aki y otro activistanan, kendenan a dicidi di daña e prome bishita di nos futuro Reina na Aruba. Un hecho condenabel.
Un biaha mas, hopi ciudadano ta kere cu e tipo di problemanan aki mester wordo soluciona internamente. Esaki ta un di e motibonan cu te ainda no por ta independiente pasobra apesar di e cantidad di profesionalnan cu tin, no sa di diferencia situacionnan. Banda di esaki Anouk Balentin ta un hurista y sa perfectamente con tur e proceduranan ta cana.
Open brief Koning 29 januari 2023 Anouk Balentina definitief (1)
