Minister Ursell Arends ta trahando riba un vision pa adultonan mayor na Aruba, Segun e mandatario loke cu ta implementando pa Aruba ta un cuido pa nos adultonan mayor hancra den no deber moral y ta keda reenforsa den un maneho solido. Tin un nota di maneho cu a keda poni ter inzage den parlamento y esaki ta e prome paso pa bin cu cambio den perspectiva pa adultonan mayor y nos como sociedad ta anda cu envehecimento.
Segun Minister Ursell Arends tin tres prioridad den e maneho un di nan ta miho reparticion di gastonan, servicio adecua y adapta, pero tambe e otro servicionan pa perspectiva di envehecimento. Loke cu kier logra cu e maneho aki ta pa bay den un perspectiva di medicasion di envehecimento di cuido pa un perspectiva social y envehecimento di cuido y den esaki ta parti den 6 punto, adulto mayor den su mes un ambiente, participacion den comunidad, atencion pa diversidad, conexion cu structuranan integral existente, financiamento y tambe ta pone e condicionnan pa por logra tur e 6 puntonan.
Casnan di cuido di SABA cu ta keda subsidia door di gobierno ta ricibi un total di 22.5 miyon pa aña di gobierno, esaki ta un total di 9216 florin pa cama. Pa loke ta trata e 13 casnan priva di cuido ta ricibi 0 florin di subsidio di gobienro y ta cobra cada persona mas of menos 2500 pa cabes pa duna servicio y cuido na nos adultonan mayor.
Segun Minister Ursell Arends unabes cu a asumi su responsabilidad como mandatario a laga haci tres investigacion un di nan ta na e casnan di cuido particular y e resultado di esaki ta cu nan lo mester cobra 3300 florin pa cabes pa luna pa asina nan por ta rendabel y SABA ta haya 9216 pa persona y actualmente e casnan di cuido ta cobra 2500 florin y ta yuda nos adulto mayor. Aki ta mira cu no tin un balance y mester tene cuenta cu e situacion aki.
Tambe e maneho cu ta hibando actualmente pa adulto mayor tabatin diferente investigacionnan cu a keda haci prome cu Minister Ursell Arends a ricibi e cartera aki. E conseho di SER na dec 2018 y 2019 ya caba ta indica cu mester reevalua e gastonan cu ta wordo haci den SABA. Minister Ursell Arends ta lamenta cu fraccion nan den parlamento ta bin hunga cu emocionnan di comunidad pa asina crea insertidumbre.
Segun Minister Ursell Arends e ta traha su maneho abase di e consehonan cu e ta ricibi y abase di e resultado di e investigacionnan cu ta wordo haci. Segun e mandatario segun oposicion mi tin mal man pa hero, pero loke cu ta un realidad cu mi tin un bon curason y bon man pa serhumano y mi pais y ta pa e motibo aki a drenta politica y ta haciendo cambio.
E situacion cu actualmente e adultonan mayor ta pasando na e momentonan aki no ta cuminsa bao di e gabinete actual, pero e ta bay bek te na nan propio gabinete cu ta gabinete Mike Eman II cu nan no a tuma e decision e tempo ey y esey no ta significa cu ami como e mandatario encarga awo lo para na banda sin tuma decisionnan pa Pais Aruba na bienestar di tur adulto mayor na Aruba.
1 comment
[…] Source link […]