Filipensenan 4;6 ta para scirbi: No preocupa pa nada, ma den tur cos,pa medio di oracion y suplica cu gradicimento,laga boso peticionnan ta conoci dilanti di Dios.
E emocion y e parti carnal di hende hopi biaha kier keda lucha den nan mes forsa, y no kier laga tur cos den man di Dios, pasobra semper hende kier hunga heroe, aunke nan sa cu e bataya no ta di nan, pero e bataya ta di Dios.
Si e palabra di Dios ta bisa nos pa no preocupa pa nada, esey ta nifica di berdad no preocupa pa nada, pasobra ningun hende no por reemplasa di ningun cabey cu cay for di su cabes,y mas cu tur cos ta Dios ta responsabel pa cada rosea cu nos ta hala.
Ora nos considera e situacion di nos bida, nos ta ripara con dependiente di Dios nos ta, nos pensamento mester cambia y bira mas consiente di e bida cu nos mester biba.
Haci oracion sin stop, sea agradecido den tur cos: pasobra esaki ta e boluntad di Dios pa boso den Cristo Hesus.( 1 Thesalonisensenan 5:17-18).
Awor E tabata conta nan un parabola pa mustra nan cu nan mester haci oracion tur ora bay y no desmaya.( Lucas 18:1).
E necesidad di oracion den bida di tur hende ta grandi, pasobra esun cu no ta haci oracion, lo bay sinti e necesidad di oracion den su bida , pasobra oracion ta comunicacion cu Dios.
Oracion ta prevencion, si nos siña nos hobennan pa haci oracion, tin hopi cos cu nan ta pasa aden, cu por a wordo preveni cu oracion, pero pa falta di un bida di oracion, cual den ningun caminda ta para scirbi, cu hende ta jong pa haci oracion( 1 Cronicanan 4:9-10),hopi hoben y nan famia ta lamenta awe.
Den momentonan di gran afliccion y tribulacion,rey Ezequias no por a haci nada pa defende su pais, sino solamente oracion y confia Dios.
Den momentonan di gran prueba contra Idolatria , Elias a traha un altar y haci oracion, y Dios a haci tur cos.
Rey David semper tabata haci oracion y consulta Dios.
Daniel no por a haci nada otro, sino oracion ( Daniel capitulo 6).
Pedro y Juan a haci oracion y e paralitico a lanta y cana drenta tempel hunto cu nan( Hechonan 3:6-9).
Pablo y Silas despues cu nan a wordo bati y sera inhustamente a haci oracion y un temblor a sacudi fundeshi di e prison y cadenanan a cay.
Ana mama di Profeta Samuel no por haci nada den su situacion, sino solamente oracion.
Oracion ta kibra cadena di sclavitud cu e enemigo kier mara hende cune, pesey ta para scirbi: Ta pa libertad Cristo a haci nos liber, pesey keda para firme, y no sea someti atrobe na un yugo di sclavitud.
Den Marco 11:25-26 ta para scirbi; Y ki ora cu boso ta para haci oracion, pordona si boso tin algo contra algun hende, pa boso Tata cu ta den cielo, tambe pordona boso trangreshonnan .Ma si boso no pordona, boso Tata cu ta den cielo tampoco lo pordona boso transgreshonnan.
Nos oracion semper mester bay nos dilanti, pasobra pa medio di oracion den nomber di Cristo Hesus nos ta demostra Fe y Confiansa den Señor ( Isaias 26:3-4).
Ay di esnan cu ta baha bay Egipto pa busca yudansa, cu ta depende riba cabay,y ta confia den garoshi,pasobra nan ta hopi, y den coredo di cabay , pasobra nan ta masha fuerte mes, ma nan no ta mira na esun Santo di Israel, ni nan no ta busca Señor!( Isaias 31:1).
Sinceramente, Pastor Marcel Balootje.
