Staatsecretaris Alexandra Van Huffelen a manda un carta pa gobierno di Aruba siman pasa y ta duna di conoce cu no ta kere cu Aruba ta bay keda cla cu e DRAFT cu ta e documentonan pa cu e fiansa.
Na prome instante e acuerdo di fiansa mester ta cla prome cu 10 di october sino e debenan ta madura. Pero na mes momento den e carta cu vana Huffelen a manda ta indica cu si Aruba no termina importante ta pa sigui na mesa pa por yega na un acuerdo prome cu fin di aña y asina e interes lo baha bay na interes abao.
Segun Prome Minister di Aruba Evelyn Wever Croes e echo cu Aruba no a keda cla na tempo e tin di haber cu apenas prome cu reces, Hulanda a laga un poco los di e exigencia di RAFT algo cu parlamento di Aruba di aña pasa mei a bisa cu nan no ta interesa den dje. Net prome cu reces a trata esaki dos biaha den parlamento y awo tin un cuadro den cual por negosha abase di loke cu parlamento a bisa. Awo cu Staatsecretaris Alexandra Van Huffelen a duna e espacio defini y awo Aruba y Hulanda ta sigui na mesa.
Den e reunion na Hulanda Staatsecretaris van Huffelen a vocifera cu Hulanda no por ofrece Aruba nada mas cu un herfinansiering cu un annuïtaire lening den un termino di 20 aña cu un porciento di 6 pa 8 %. Prome minister Evelyn Wever Croes ta di opinion cu Aruba no mester tin miedo di e parti aki debi cu Aruba tur su fiansanan ta riba interes di mercado cu ta 6 pa 8 % , pero prome minister ta kere na final e porciento lo cay den 6.25% cu ta un porciento cu Aruba no mester tin miedo riba dje paso Aruba tin e fondonan pa page.
Den e presupuesto gobierno a tene cuenta cu un porciento 3.5 % kiermen si e mester bira 6.25% tin un 30 miyon adicional cu tin cu hinca den e presupuesto prome cu e wordo trata y esey Aruba tin caba mirando cu e desaroyo economico di Aruba ta canando asina bon. Esaki ta bin cu e personanan cu no tabata paga nan belasting awo ta paga belasting unda cu departamento di impuesto ta bayendo tras di e bigfish nan cu no ta pagando y di esey e 30 miyon ta drentando caha di gobierno.
Prome minister Evelyn Wever Croes ta kere Aruba no mester tin miedo debi cu Aruba por carga e porcentahe cu Hulanda lo duna sin ningun miedo.