Ta na moda cu hende ta reta Dios, haci bofon di Su palabra .e boluntad di Dios ta wordo rechasa,y mas
ainda cu hende cu no ta mira necesario, pa reconoce Dios, den nan biba,
Tur esaki ta conclui, cu e plan di salbacion ta wordo rechasa y asina e hende cu no ta reconoce Dios,
cu no ta kere den Su Yiu unigenito ta cay for di e gracia y no ta alcansa bida eterna.
Fierno den ningun momento a wordo traha pa pone hende aden, pero pa condena di satanas y su
demonionan. Pero na e momento cu hende a scohe pa no sirbi Dios, di mes nan ta wordu condena pa
fierno pa perdicion,( Juan 3:16-21, esey ta tur locual tur hende mester comprende cu hende cu rechasa
Cristo ta cay bao di condenacion.
Esey ta nifica cu ta dos oportunidad tin y ta hende mes ta scohe sea pa condenacion of pa bida eterna.
Awor tin hende ta kere cu ta un cos cu bo por haci na ultimo ora si bo hanja chens, pero bijbel ta splica
bon cla cu mañan no ta wordo priminti na ningun hende.awe ta bo dia di salbacion.
Den Lucas capitulo 16:19-31 un biaha mas nos kier clarifica, cu cielo ta real y fierno ta real,y cu awor
cu nos ta na bida nos mester entrega nos bida na Cristo Hesus,pasobra ora nos muri no tin otro
oportunidad.
Esun cu drenta cielo ta pa eternidad, y mescos cu esun drenta fierno ta pa eternidad.
Solamente pa medio di Cristo,nos tin entreda pa cielo, pasobra Cristo Hesus ta e unico caminda di
berdad y bida ningun hende por yega cerca e Tata sino ta pa medio di e Yiu.
Ta segun un hende biba asina su presentacion dilanti di Dios lo ta, si e a biba cu Dios, reconoce Dios
riba tur cos, y kere den Su Yiu Cristo Hesus , e persona ey cielo ta spere cu brassa bari.
Pero si e hende a ninga Dios y biba manera e kier den inmoralidad, abominacion, bagamunderia y tur
sorto di pica y no segun Dios su palabra,e persona ey lo no mra cara di Dios,
Pasobra e palabra di Dios ta bisa claramente den Hebreonan 12:14: Aspira pa tin pas cu tur hende y
santificacion, sin cual ningun hende lo mira Señor.
Pero tambe Hebreonan 10:26-27 ta bolbe adverti; Pasobra si nos sigui peca boluntariamente, despues
di a ricibi e conocemento di e berdad,no ta keda sacrificio pa pica mas. Sino un cierto expectativa
teribel di huicio y e furia di un candela cu lo caba cu e adversarionan.
Den Juan 3:36 ta para scirbi: Esun cu kere den e Yiu tin bida eterno,ma esun cu no obedese e Yiu lo no
mira nada , ma e furia di Dios ta keda riba dje.
Tin hopi strategia di diabel pa aleha hende for di Dios, di berdad diabel ta gañando hopi hende, y nan
ta bini na grupo y asociacion di scuridad, cual diabel a ciega nan pa no mira e bondad di Dios.
Pasobra hende cu ta rechasa e palabra di Dios, y kier establece nan mes orden,Ta pusha nan mes den
caminda di scuridad.nos ta mirando esey cu gran tristesa y awor mas cu nunca den e tempo trabahoso
aki.
Esun cu kere y a wordo bautisa lo ta salba, y esun cu no a kere lo ta condena.( Marcos 16:16).
Ta necesario pa tur hende entrega nan bida na Hesus Cristo,y no rechasa e bondad di Dios.
Senjor ta nos Dios.
Sinceramente, Pastor Marcel Balootje.
