Un gobierno integro ta respeta pueblo su libertad, pero ora un pueblo tin miedo di gobierno nos ta yama esey tirania. Pueblo di Aruba tin miedo di su gobierno y tin miedo di vocifera nan inquietud. Nos por mira cu hopi hende kier keda leuw di politica paso politica ta sushi. Keda leuw di politica no ta trese ningun solucion, alcontrario si no trese un cambio den politica nada lo no cambia. Aki na Aruba nos a costuma cu durante campaña pueblo ta wordo engaña cu yen di promesa falso. Nos por sinta man crusa y kere cu consecuencia di mal gobernacion no loyega na nos porta, pero ora e problema yega na nos porta e ora ey ta laat. E baca a hoga.
E siman aki tabata uno difícil paso e noticia cu a hala hopi antencion ta e ex mando Policial. Nos por corda cu na 2021 un periodista a puntra si ta un baccanal tabata tin den mando Policial. Hopi polis ta sinti un berguensa grandi cu nos Cuerpo Policial por a baha na un nivel asina abao. Husticia ta lago sagrado. Integridad bo tine of bo no tine. Un hende cu su biba no ta na ordo no por ta un ehempel pa comunidad. Bo por faya pero bo mester drecha bo bida pa despues entegra back. Nos di partido curpa ta kere cu mester bin limpiesa den nos Cuerpo Policial. Nos husticia mester ta un ehempel paso ley mester wordo respeta. Aki nos lopor papia di soborno den natura????
E realidad ta cu nos husticia no ta bon. Informacion cu nos tin cu tin mas polis ta desea di bandona nos Cuerpo Policial. Nos Cuerpo Policial ta demotiva. E palabra the right man on the right place no ta funciona.
Diaranson 4 di september 2024 lo tin un reunion pa trata e cambio di ley landsverordening politie pa asina por hinca burgerpersoneel den cameraroom di polis. Nos por mira cu esaki ta e consequencia di un mal maneho den e ministerio di husticia. Ora bo no ta recluta personal na mas cu 6 occacion pa bira polis bo ta hayabo cu un scarsedad di personal den nos Cuerpo Policial. Nos ta kere cu tur e actuacion nan aki ta intencionalmente hasi. Awor kier cambia ley y asina por hinca hende cu no ta polis pa traha tras di camera di vigilancia cu ta cay bao di Cuerpo Policial. Asina tambe ta habri porta pa hunga politica partidista yduna hende politicamente trabao.
Tin hopi precupacion den pueblo. Bo mester cana rond pa tende e dolor di pueblo. Sinta na cas bo ta haya yamada. Tur tin di haber cuprecupacion cu ta reina den pueblo. Un otro precupacion ta e aumento di edad di pensioen na 66 aña. Minister president a firma e landspakket caminda ta papia di hisa edad di pensioen na 66 aña. E landspakket tambe ta hica den e Sustainable Development Goals. Hisa edad numa di pensioen y laga e hendenan muri sin cobra pensioen. Locual cu nos no mester lubida ta cu na 2013 partido avp a bisa durante campaña di no hisa edad di pensioen pero dia 28 di mei 2014 sindicatonan a bay di acuerdo cu gobierno pa hisa edad di pensioen na 65 aña. Hopi hende no ta alcansa edad di pensioen pa via tafayece prome cu tempo.Kier tapa e asunto cu hende ta biba mas largo pero e realidad ta cu nos gobernantenan no sa con pa administra placa di pueblo. Mal maneho di nos gobiernonan a causa cu mester a aumenta edad di pensioen. E lobonan politico lo no bisabo e berdad paso nos ta den porta di eleccion.
Pa salba Aruba mester bin un cambio den nos politica. Aruba no por sigui den e direccion di destrucion di nos Isla. Nos tin un Dios cu sa ken ta e lobo politiconan cu kier gaña e pueblo cristian den proximo eleccion. Partido Curpa ta e unico alternativa.
Lider di partidoCurpa
Eric Ras