Nigel Maduro ta mira e naturalesa di Aruba hopi di cerca y sa cu naturalesa ta sufriendo hopi. Lamentablemente no ta atencion for di nos lidernan. Pesey mes for di cuminsamento di september a cuminsa manda diferente cartanan pa gobierno di Aruba riba e situacion aki. Tambe a purba papia cu hende nan cu tin poder pero tampoco nada no a pasa.
Na momento cu no ta haya atencion a dicidi di cuminsa riba rednan social pa haya e atencion cu ta pidi riba nos naturalesa. Segun Nigel Maduro despues di e dos intentonan aki ainda no ta haya atencion y a dicidi di cuminsa cu graffiti, unda cu a cuminsa cu e protesta di graffiti unda cu ta skirbi “No More Hotels” y “ Land Back” despues di e accion aki hopi hende a cuminsa conscientisa nan mes riba e parti aki di hotel y industria turismo.
Na mes momento debi di e accion mas hende a cuminsa papia di e accionnan aki. Nigel Maduro ta duna di conoce cu e propio artista di e driekiel unda cu a haci e graffiti “No More Hotels” e mes a apoya e mensahe cu tin demasiado hotel na Aruba. Despues di e acto aki Nigel Maduro a entrega su mes na warda di polis y a keda cera pa tres dia, unda cu a sacrifica su mes un libertad pa e medio ambiente di Aruba. segun Nigel Maduro tres dia cera y a ricibi 20 ora di trabounan comunitario como taak straf y a comete esaki cu orguyo.
Aki ta caminda cu na momento cu ta lucha pa medio ambiente su persona a wordo criminalisa. Despues a sigui a busca un otro manera unda cu a busca un otro grupo di ciudadanonan preocupa unda cu a organisa un protesta dia 18 di maart unda cu a interumpi e speech di prome minister Wever Croes y a trece padilanti e urgencia di crisis medio ambiental. Roba plaza Betico Croes nan a hala e grupo un banda y na momento cu a post un video nan a censura e grupo cu tabata protesta. Segun Nigel Maduro e video a keda corta na unda cu a corta e video y a censura e grupo. Aki por bisa cu a wordo criminalidad y censura.
Nigel Maduro ta duna di conoce cu a scoge e fecha 18 di maart debi cu e raiz di 18 di maart ta un protesta pa libertad di Aruba y kier a sigui e tradicion riba e fecha cu kier libertad. Tambe dia 27 di April cu ta dia di Rey unda kier a reflexiona nos pasado colonial. Riba 27 di April a interumpi un biaha mas unda cu a kibra e protocol di dia di Rey, ta trata aki di un grupo mas grandi cu ta preocupa cu e naturalesa. Sinembargo na e accion aki a keda ignora y no tabata kier a wak e accion cu tabata tumando luga y ningun persona no a bin y tuma consideracion y scucha e gritonan di preocupacion.
E graffiti cu a keda haci na e driekiel a wordo kita , pero e otro graffitinan rond di Aruba ainda nan tey, Esaki kiermen cu no ta e graffiti ta e problema pero e mensahe cu ta wordo hiba.