Na reunion di EuroLat a aproba amienda contra abuso laboral cu hende muhe ta pasa aden

Como presidente di parlamento no ta conoce e periodo di reces completo, pero trabao ta sigui. Presidente di parlamento Edgar Vrolijk a representa Aruba na e XV Sesion Plenario di EuroLat.

EuroLat ta e asamblea parlamentario  di Europa  y Latino Americana cu ta reuni dos bes pa aña, aunke cu den e seccionnan di reunion cu ta tuma luga tin un interpretacion cu Aruba no tin mucho na dje, pero segun presidente di Parlamento Edgar Vrolijk den tipo di reunionnan aki ta gana hopi experiencia y tambe tin puntonan cu Aruba por tuma y por implementa na Aruba, tambe tin diferente informacionnan cu ta keda treci padilanti cu ta relevante pa Aruba.

Aruba a forma parti di e comision di finansas y economia di Eurolat y den e parti aki a papia hopi di e inclusion di e hende muhe den sector laboral unda cu tur e abusonan cu e hende muhe ta pasa. Den henter e proceso aki a aproba algun amienda tambe y asina por sigui traha riba e topiconan aki pa asina  di parti di Aruba por sigui haci nan trabao tambe y  traha leynan pa proteccion di hende muhe den sector laboral.

Segun presidente di parlamento Edgar Vrolijk esaki tabata un di e puntonan hopi importante unda cu a enfoca hopi riba e transicion di energia berde unda cu tambe Aruba a participa den e comision. Den e seccion aki por wak cuanto placa Europa ta pusha den locual ta Latino America y ta kere cu Aruba via di Hulanda por aplica pa mes un strategianan unda cu por ricibi placa for di Europa via Hulanda cu Aruba por uza den e transicion aki.

Segun Presidente di parlamento Edgar Vrolijk e tipo di reunionnan aki ta importante unda cu ta trece un mecanismo, pero sigur tin camindanan cu mester cana pa por logra esaki. Den e siguiente simannan tin reunion cu e personanan di banconan Europeo cu ta atende cu e parti aki cu lo por guia Aruba di kico por haci. Un di e kehonan cu tin ta cu Aruba por haya hopi mas fondo, pero con pa yega na e fondonan aki tin un proceso cu Aruba mester sa di dje pa por yega na dje.

Presidente di parlamento Edgar Vrolijk ta haya e forum di EuroLat hopi importante y di e forma aki ta haya un guia con pa yega y con pa sigui localmente tambe. Den e reunion aki tabata presente Rey Felipe VI  cu tabata presente y por a comparti y cera conoci cu Rey di Spaña.

Click aki bao like y share