Na momento cu e minister ta haci bon mester duna su rason tambe unda cu loke cu e kier haci cu e maneho aki ta combati corupcion.
Segun Parlamentario independiente Ryçond Santos do Nascimento Minister Ursell Arends tin varios aspecto cu ta hopi importante unda cu kier digitalisa e proceso unda cu kier kita e proceso for di e man di e minister, paso no por ta asina cu na Aruba ta depende di un politico pa un persona por haya un permiso, esaki ta un inhusticia.
Si un persona tin un derecho riba un permiso e mester haya esaki abase di criteria, esey mester ta e regla y esey ta loke cu mester ta normal riba e pais aki. Tur cos cu ta desvia for di esey ta corupcion. Tampoco no ta tur corupcion por hiba ministerio publico paso si no tin e prueba cu un persona a haya placa acambio y of e minister a haya placa acambio pa duna otro fabor e ora bo no tin ningun caso pa hiba ministerio publico, pero bo sa si cu corupcion ta tuma luga na Aruba.
Si acaso kier tapa solo cu un dede por dalbay y sigui biba den mundo di fantasia, pero loke ta un berdad ta cu tin corupcion riba e pais aki y nos mester tapa y no crea oportunidad pa corupcion.
Den henter e proceso a cuminsa robes pero segun Parlamentario independiente Ryçond Santos do Nascimento na momento cu ta analisa e maneho di minister Ursell Arends , e mandatario mester bay curso di comunicacion publico. Minister su departamentonan ningun no ta funciona na drechi, e no ta comunica cu e pueblo y informa e pueblo manera mester ta , e la cera dump sin comunica na drechi y ta demostra cu e la haci un pesimo trabou den e forma cu e la haci esaki.
Ta bisto cu e minister den e parti cu comunicacion ta fatal y den e caso di e taxistanan pa sinta na mesa cu taxista di un forma cu nan ta compronde y esaki ta loke cu e mandatario no a haci. Esaki tambe por wak e riba e maneho di parkeermeters unda cu tambe tur cos ta canando robes y fout sin cu e ta regla pa e maneho cana bon.
Segun Parlamentario independiente Ryçond Santos do Nascimento tipo di problemanan aki ta mira den henter e maneho di Minister Ursell Arends. Minister Ursell Arends mester tene cuenta cu e margo legal y tambe e interes general cu ta hopi importante.
