MortoLocal

Na memoria di co-fundador di MEP dokter Teodosio Lin

Dokter Lin

Cu honda pena y dolor partido MEP a ricibi fin di siman e noticia di fayecimento di un gran baluarte Arubano, sr. Teodosio Ho King Lin, miho conoci como dokter Lin. 

Dokter Lin a nace riba dia 14 april 1938 y pa decadanan largo a fungi como dokter di cas, specialmente den su districto di Noord. Un dokter cu hopi amor y dedicacion pa su trabao y cu a gana stimacion di henter pueblo. 

Riba peticion di lider di MEP Betico Croes, na aña 1971 dokter Lin a aparece pa prome vez como candidato nr. 26 riba lista di nos partido. Asina pues e tabata co-fundador y baluarte di prome ora riba e prome lista cu MEP a participa na eleccion di 1971. Dokter Lin a para tras di e ideologia social democrata y semper a duna su consehonan valioso na e lidernan di MEP. Su lealtad incondicional a ser aprecia pa nos partido.

Partido MEP na varios ocasion a duna reconocemento na e gran Arubiano aki, ultimamente na februari 2021 na ocasion di 50 aña di fundacion di nos partido. Su dedicacion y fieldad na nos partido lo keda pa semper graba den nos curason. 

MEP ta desea tur su yiunan y henter famia forsa cu e perdida grandi aki. Cu dokter Lin sosega na paz den brasa di nos Señor.

Related posts

Minister di Enseñansa den programa riba innovacion di Enseñansa na TeleAruba

EA News Author

Gustave Nouel na Aruba como invitado special di A.T.A

EA News Author

Anunsio di Morto: A fayese Alex Tromp Cariñosamente yama ”Lele”

EA News Author

Leave a Comment

Whatsapp Message