Djaluna 23 di novèmber 2020, alrededor di 17.34’or polis di UST durante nan patruya riba Kaya Andruw Jones a tuma nota di dos hòmber sintá den un vehíkulo di kua unu tabata humando un sigaria di mariwana. Polis a para i a bai pa aserká e hòmbernan aki, pero un di e sospechosonan a baha kore bai mientras e otro a purba di kore bai ku e vehíkulo pero a dal den un otro vehíkulo ku tabata stashoná den serkania. Dor di e esaki e sospechoso a baha for di outo i kuminsá kore. Polis a logra para e sospechoso i durante un kontrol a haña i konfiská den un tas ku e tabatin den su poder, un arma di kandela ku dos lachi yená ku bala skèrpi. Tambe polis a haña i konfiska un kantidat di kokaina, mariwana, moli i plaka kèsh. Na e sitio a detené e hòmber sospechoso S.A.G.H. nasé na Kòrsou di 19 aña di edat, pa violashon di lei di arma di kandela i lei di opio. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon
Na Korsou: Detenshon pa violashon di lei di arma i opio.
